Қазақта бір мақал бар еді «орыс ойына келгенін істейді» деген. Қазіргі біздің билік те әр түрлі тәжірибе жасаудың көкесін көрсетіп жатыр. Айталық біреу қылмысты болады дейді, енді оның қарасын анықтап қылмыскер атап, жалпақ жұртқа жариялап, абақтыға қамап, пәленпай жылға соттайды. Ал сосын, ойбай, ол ақ екен, құлан таза күнәсіз жан екен, жаңылыпты, жаңсақ болыпты деп бұғауын шешіп босатып жатады. Алайда, әлгі, жазған, жаңылғандарға айып тағыла ма, тағылмай ма ол жағы жабық. Немесе, әлде кімді, тұқыртып, жасытып, сағын сындыру үшін түрмеге бір тоғытып алу керек пе екен, бұл тіпті жұмбақ. Осыны қарапайым халық көреді де биліктің істеп жатқан ісіне ат жарысын тамашалағандай ғана, кейінгі кезде, «бір пәлеқор, бір пәреқор сотталыпты» десе, «е, соттап жатады, отап жатады, оны қойшы, ертең-ақ босатады, сонан соң бір жайлы орынға отырғызады» деп селқостық танытатын болды.
Мәселен, министр болған, одан басқа да дардай лауазымдарды атқарып жүріп сотталған «Қазақстан темір жолының» бұрынғы президенті Жақсыбек Күлекеев былтыр күзде, 2009 жылы 20 қарашада шартты түрде мерзімінен бұрын босап шықты. Жұрт та, басқа да, әпербақан оппазиция да оған тым сондай әсерленіп елеңдей қойған жоқ. Бар болғаны бір шенеуік-
2008 жылы 1 сәуірде Астанада «үлкен көлемде пара алған» деген күдікпен ұсталып, «қызмет бабын асыра пайдаланған» деген айыппен үш жылға бас бостандығынан айырылған Жақсыбек Күлекеев бостандыққа шықты. Сөйтіп айыпталушы да, айыптаушы да аман, қоржынның екі басы теңесті.
Міне, 18.01.2010 жылы ҚазТАГ Жақсыбек Күлекеевтің жаңа қызметке – Қазақтың мұнай және газ институты» компаниясының корпорациялық даму жөніндегі басқарушы директоры болып тағайындалғандығын хабарлады. Сөйтіп бір мықты Түрмеден төрге бірақ шықты. Бізде бәрі де мүмкін… Б.Қарамер
Түрмеден төрге шықты бір мықты
2 Comments
Жауап беру
This site uses Akismet to reduce spam. Learn how your comment data is processed.
Соңғы жазбалар
Кеше көлік министрі Марат Қарабаев әуе апатынан қазақстандықтардың ешқайсысы аман қалмағанын растады. Бүгін Ақтаудағы ұшақ апатынан
Кеше, 25 желтоқсан күні, Ақтау қаласының маңында “Баку-Грозный” бағытындағы ұшақ апатқа ұшырады. Бұл туралы Көлік министрлігі хабарлады.
Ностальгия: Грек тілінен аударғанда nostos – үйге оралу + algos – азап, дерт, толық мәнін сағыныш,
Биылғы жылдың елеулі саяси оқиғаларының бірі 6 қазанда өткен республикалық референдум. Референдум өткізуге себеп болған қазақ
Желтоқсан ортасында конференция лига аясында елордалық «Астана» футбол клубы «өз алаңында» дәлірек айтсақ, Алматыдағы орталық стадионда
Алғашқы инвестиция үшін көп ақша болмаса да, Интернет ақша табудың көптеген мүмкіндіктерін ұсынады. Заманауи әлемде сіз
2024 жылдың шулы әрі оқиғаларының бірі – Ресей Президенті Владимир Путиннің Қазақстанға ресми сапармен келуі. Қазақстан
Желтоқсанның 23-інде Фейсбук қолданушысы Біржан Ахмер досы, әріптесі. жазушы, ұстаз Қуат Айтқалидың Семей қалалық шыршаны безендіру
Желтоқсанның 20-сында Алматы қаласында жаңа жылдық шыршаларды жағу шеруі болды. Власть сайтының жазуы бойынша, Алматы қаласы
Қазақстан Энергетика министрі Алмасадам Сәтқалиев Парламент Мәжілісінде Үкіметтік сағат барысында баяндама жасады. Баяндамадан түйгеніміз: “10 айдың
Түрмеден төрге озған мықтының тіреушісі күшті шығар. Әйтпесе, түрмеден шыққандарға белгілі бір мерзімде қызмет берілмеуші еді ғой. Міне, қызық. Біздің елде бәрі де болады екен-ау.
Иә, саяси көзқарасы тұрғысынан, тағы басқа да қимылынан елдің билігіне ықпал етіп отырған кландарға жақпаған тұлғаларды тұқыртып алу ісі кәдімгі жүйелі түрде жүргізіліп жатқан сынды. Құлекеев те сол бір ықпалды тұлғаның көңіліне жақпаған адам.