Бүгін Астанадағы Назарбаев университетінде «Мінбердің» кезекті семинары басталды. Семинарға қатысуға Қазақстанның Солтүстік, Шығыс, Батыс және Орталық өңірлерінен өтініштер қабылданған еді. Жалпы, қатысуға ниет білдірушілер саны 50-ден асты. Және Алматы қаласынан, Оңтүстік өңірлерден де өтініштер келіп түсті. Бірақ, бұл семинар-тренингке Оңтүстік өңірлерді қамтуға болмайтын еді. Сол себепті де Оңтүстіктен түскен өтініштерді қанағаттандыра алмадық. Сөйтіп бүгінгі семинар тренингке Астанадан, Қарағандыдан, Қостанай мен Керекуден, Қызылжардан, Өскемен мен Семейден, Ақтөбе мен Ақтаудан 25 адам қатысып жатыр.
“Мінбердің” семинар тренингін Сорос Қазақстан қоры, ЕҚЫҰ-ның Астанадағы орталығы қолдап отырғанын естеріңізге сала кетеміз.
Назарларыңызға “Мінбер” семинарының алғашқы сәттерінен бейне баян ұсынбақпыз.
Танысу сәті
Болашақ блогерлер алғашқы тапсырмаларын орындауда
Ақтөбеліктерге алғашқы сәт қатты ұнап отыр
Алғашқы тапсырманың тұсаукесер сәті
ЕҚЫҰ Астанадағы орталығының өкілі Әсел Қаратаева семинар-тренингтің мақсаты жайында сөз сөйлеп тұр
Тренерлер “Мінбер”орталығы жайлы түсіндіруде
Парақшамызға жазылыңыз
Істеріңе сәттілік тілеймін! Болашақтарың жарқын болсын!
Rakhmet!
keremet! zhildamdik dep osini ait))
Семинар өте қызықты да сәтті өтіп жатыр. Керекті мағлұматтарды молынан алуға мүмкіндік ашқан ұйымдастырушыларға мың алғыс!
Семинар өте тамаша өтіп жатыр. Ұйымдастыру жағы керемет. Екі күн жеткіліксіз деп ойлаймын. Мінбер ұжымына шығармашылық табыс тілей отырып, еңбектеріңіздің жемісін көріңіздер деймін!!!
Елордада тұрсақ та Назарбаев университетін көрмеген едік. Сәті түсті. Мінберліктер ерледі. Сеимнардың жұмысы өзіндік реңк пенмазмұнды екендігін жасырмаймыз.
тренинг өте қызықты өтіп жатыр. Жан-жақтан келген журналисттермен пікір алмасып, ой бөлісіп жатырмыз.Ризамын Аршатқа!
Семинар өте қызықты өтіп жатыр.
Уақыттың қалай өткенін білмей қалдық. Алақай. Бүгін блок аштым!!! Қуаныштымын!!!
Қуанышыңызға ортақпын. Ренжімеңіз, бірақ “блог” болады
Блогыңызға Астанада түскен суреттеріңізді салдыңыз ба?
Суреттерді мына жерден көруге болады http://baqytgul.kazjur.kz/
+фейсбуктан да қарауға болады
Берері мол шараға мұрындық болғандарға мың алғыс!
Ең бірінші, Мінберге мың алғыс! Қазақ журналистикасының дамуына үлес қосуымызға түрткі болып отырғаны үшін Есенгүл Кәпқызы, Асхат Еркімбай және Аршат мырзалардың еңбектері жоғары бағаға лайық!
Ал семинар қызықты өтуде, әрі берері мол!
Тренингке келгеніме өте қуаныштымын. Шынында да бәрі керемет)))
Мінбердің семинары қазақ тілді журналистер арасында жаңа медиа туралы жалпы түсінік қалыптастыруға зор ықпал етіп жатыр. Ұзағынан сүйіндіргей!
Екі күндік семинардың қатысушы ретінде айтар болсам, семинар өте жоғары деңгейде ұйымдастырылған. Барлық жағдай қарастырылып, журналистердің жаңа медиа технологияны игеру мүмкіндік туғызылды. “Мінбер” журналистер қолдау орталығына алғыс айта отырып, болашақта жұмыстарыңыз жемісті болсын!!!Семинарға қатысқаныма өте ризамын!!!
Осынау игі шараға қатысып отырған бақытты журналистер қауымының бірімін. Семинардың арқасында әсем елордамызбен қауышуға мүмкіндік алып қана қоймай, ең бастысы – уақыт ағымымен заманауи ерекшеліктерге байып келудегі жаңа медиа турасында кеңінен хабардар болдық. Ұйымдастыру жағы көңілімнен шықты. Алғысым шексіз ұйымдастырушыларға!
Міне семинар-тренингтің бірінші күні қалай аяқталып қалғаның білмей қалдық. Әр өнірден келген журналистер бір-бірімен тәжірбие алмасып, бір отбасындай болып кеттік. Осындай іс-шараны ұйымдастырған “Мінбер” журналистерді қолдау орталығына алғысымды білдіремін.
Бәрекелді! Семинар-тренинг өте жоғары деңгейде ұйымдастырылған! Сонымен қатар мен бүгін өзімнің “оқытушылар жазбалары” атты блогымды ашып, қазақ блогшылар қатарына қосылдым!
Бүгінгі тренинг ойымнан шықты. Ғаламторды игеру жолдарын үйреткені үшін ұйымдастырушыларға алғысым шексіз.
Жаңа медиа саласындағы бастамаларыңыз баянды болсын!!!
Семинар өте қызықты өтті. Ұйымдастырушыларға алғыс айтамыз.
Мінбердің Астанадағы семинар-тренингінің алғашқы күні сәтті аяқталып келеді. Ғаламтордың біз білмейтін ғажаптары көп екен. Өрмекшінің өрмегіндей болған Интернетті әрбір қазақ баласы игеруі керек деп ойлаймын.
[…] апайымыз тренингтің басталғаны туралы хабарлап “Мінбер.кз” сайтына суреттеріміз бар мақаласын да орнатып […]
[…] ішінде қазақтілді блогтарды дамыту мақсатындағы семинар-тренингте еліміздің әр түкпірінен жиналған журналистика […]
Сәттілік!! Мен де сонда болсам ғой…Қызығып отырмын.
Жаңылай: әлі талай семинарларға қатысасың, біразына қатысып та жүрсің 🙂
Біле білген адамға Мінбердің бебері мол…