Жер телімін аламын десеңіз…

Үй салатын жер телімін сатып алғанда сатып берушіде қандай құжаттар болғанда оның документтері толық болып есептеледі және өз басыма тіркету үшін не істеуім керек?

kazprose

Саламатсыз ба, kazprose, біздің “Заңгер кеңесіміз” негізінен медиа құқыққа арналған еді. Бірақ журналистердің бұны да біле жүргені жөн деген оймен сауалыңызға жауап беруді жөн көріп отырмын.

Жер телімін сатып алған жағдайда сатушының төмендегідей құжаттары болуы тиіс:

–         Жер учаскесіне жеке меншік құқығын беретін акт

–         Жергілікті әкімшіліктің «жеке меншік тұрғын үй салуына байланысты

–         «жер телімін беру туралы» өкімі

–         Егер болса аудандық сәулет және қала құрылыс бөлімінің жеке тұрғын үйдің жобасы, болмаған жағдайда үй жобасын өз қалауыңызша дайындату, өз құзырыңызда болады

–         Сатушының жеке төлқұжаты

–         әлеуметтік жеке код беру туралы куәлік (СИК)

–         Салық төлеушінің тіркеу нөмірі (РНН)

Сатып алушының төмендегідей құжаттары болуы тиіс:

–         Сатып алушының жеке төл құжаты

–         әлеуметтік жеке код беру туралы куәлік (СИК)

–         Салық төлеушінің тіркеу нөмірі (РНН)

Жоғарыда аталған құжаттар негізінде нотариус кеңсесінде сатып алыу сату шартын жасасасыз, егер некеде болсаңыз жұбайыңыздың келісімі қажет.

Әрі қарай Халыққа қызмет көрсету орталыңына (ЦОН) барып құжаттарды тіркеуге тапсырасыз, оған қажетті құжаттар:

–         жеке төл құжатыңыз (түпнұсқасы мен көшірмесі)

–         әлеуметтік жеке код беру туралы куәлік (СИК) (түпнұсқасы мен көшірмесі)

–         Салық төлеушінің тіркеу нөмірі (РНН) (түпнұсқасы мен көшірмесі)

–         «жер телімін беру туралы» өкімі (түпнұсқасы)

–         Сатып алу сату шарты (түпнұсқасы мен көшірмесі)

 Әзірлеген Жанерке