Бүгін түнгі 23.30-да Қазмедиа орталығы алаңында «24.KZ» арнасының ресми тұсаукесері өтеді. Жаңа телеарна 00.00-ден бастап жаңалық тарата бастайды.
Осыған орай бүгін ҚР Мәдениет және ақпарат министрі Дархан Мыңбай «Қазмедиа» орталығында брифинг өткізді.Еске сала кетейік, жаңа телеарна «Хабар» агенттігінің базасында құрылды. Телеарна күн сайын 48 жаңалықтар топтамасы мен 40 ақпараттық тақырыптық бағдарламаларды эфирге шығарады. «24.KZ» «ОтауТВ» ұлттық спутниктік желісі арқылы және кабельдік желілерде көрсетіледі.
«Бүгін шын мәнінде айтулы күн болғалы тұр. Елбасының тапсырмасымен «24.KZ» телеарнасы ұйымдастырылып жатыр. Мұның өзі Қазақстандағы ақпарат құралдарына деген қамқорлық. Бұл шын мәнінде Орта Азияда теңдесі жоқ арна болады. Оның дәлелі осы Медиа орталықтың ашылуы. Бұл Медиа орталық бізге сол идеяларды жалпы жаңғырту мәселелерін жүзеге асыруға жәрдемін тигізеді деп ойлаймын. Бұл орталық бізге CNN, BВC, Euronews сынды әлемдік телеарналар стандарттарымен жұмыс істеуге мүмкіндік береді», – деді Д. Мыңбай.
Министрдің атап өтуінше, «24.KZ» HD сапасындағы бейнесі бар тең салмақты хабар тарататын алғашқы отандық телеарна болмақ. Ақпараттық арнаның эфирлік саясаты «Әрбір жарты сағат сайын жаңалықтар» қағидасы бойынша қалыптасқан. Ал олардың арасындағы эфирлік уақыт тақырыптық бағдарламаларға бөлінеді.
Дереккөз: kaztrk.kz
Парақшамызға жазылыңыз
Өте мақтан тұтатын мәлімет. Осындай игі бастамалар арқылы елімізді одан сайын дамытып, халықтың санасын ашып, қоғамдағы болып жатқан жаңалықтарды дұрыс жеткізе алатын боламыз. Халықта жалған ақпарат болмайтының дәлелдейді. Ең бастысы қол жетімді болып, қазіргі замаңға сай болып отыр.
Бұлары орысша сарай жөнелетін шығар тағы. 🙁
Бір елде осындай бір арналы дүниенің болғаны дұрыс. Қай дүниені қайдан көреміз деп жан жаққа шапқанша.
жүргізушілерінің сұқ саусақтарын шошайтқаны жаман екен
Достар, меніңше егер басында шамалы қателіктер көрінсе де, сұқ саусақтар сияқты немесе басқа да, оған қатты назар аударудың қажет жоқ. Шамалы уақыт өткеннен соң сың-пікірде айтуға болар деп есептеймін. Бірақ барлығы жақсы, тиянақты кәміл сенемін. Осындай жаңа жоба жасағаның өзіне рахмет . . .