Алматы облысы, Қаскелең қаласында бас оқу ғимараты орналасқан Сүлеймен Демирел университетінің Филология және педеагогикалық ғылымдар факультетінің филология және журналистика кафедрасының журналистика мамандығы бойынша білім алып жатқан ІІ курс студенттері екі сағат бойы белгілі журналист, ІТ маманы, жақында ғана өткізілген “Интернет дода” ұлттық интернет сайысында “ІТ тұлғасы” атағын жеңіп алған Асхат Еркімбайдың шеберлік сыныбынан дәріс алуға мүмкіндік алды. “Мінбер” журналистерді қолдау орталығының жанынан құрылған “Жаңа медиа технологияларын зерттеу” орталығының жетекшісі Асхат болашақ журналистерге “Жаңа медиа арқылы өміріңді қалай өзгертуге болады? “, “Интернет журналистикасындағы ерекшеліктер”, “Конвергенция дегеніміз не?”, “Фото және видеоға түсірудің ерекшеліктері” тақырыбында лекция оқып, тәжірибелік сабақ өткізді. Студенттер өздеріне әлі де болса бейтаныс жаңа медиа әлемімен танысып, онымен қалай жұмыс істеуге болатындығының қыр-сырына бойлады. Ал СДУ Филология және педагогикалық ғылымдар факультетінің әкімшілігі Асхат Еркімбайға алғысын білдіруді ұмытпады.
“Мінбер-ақпарат”
Асхат Еркімбай ағамызға үлкен рахмет айтамыз! Мастер-класс керемет деңгейде өтті! Ал, жетекшіміз Есенгүл Кәпқызына алғысымыз шексіз!