«Халық қаһарманы» атағына ұсынылған марқұм Ерлан Нұрғалиевтің ертең туған күні
ҚР АШМ қарасты «Охотзоопром» ӨБ» РМҚК инспекторы, марқұм Ерлан Нұрғалиевтің ертең, 30 қаңтар, туған күні. Қайғылы оқиға болмаса, марқұм 53-ке толатын еді.
Жақында Парламент Мәжілісінің депутаттары Премьер-Министр Бақытжан Сағынтаевтан киіктерді қорғау бойынша міндетін орындау кезінде қаза тапқан инспектор Ерлан Нұрғалиевке «Халық қаһарманы» атағын беруді және оның есімін мәңгі есте қалдыру бойынша тиісті шаралар қабылдауды сұраған болатын.
Ерлан ағамыздың өмірі өскелең ұрпақ үшін жарқын үлгі екенін ескере отырып, халық қалаулыларының бастамасын өркениетті қоғам ретінде жан-жақты қолдау жөн деп санаймын.
Құрметті БАҚ редакторлары, журналистер, киік қорғаймын деп қаза тапқан марқұм Ерлан Нұрғалиев жайлы материалдарға естеліктер, пікірлер алғыларыңыз келсе бала күннен бірге өскен досы Ғалымжан Тәуекеловке хабарласуларыңызға болады (тел.: 87713691500).
Мінбер ақпарат
Парақшамызға жазылыңыз
