Бүгін Коронавирустың таралуына жол бермеу жөніндегі ведомствоаралық комиссия елімізде шектеу шараларын төмендету бойынша қосымша шешімдер қабылдады. Халық пен мемлекеттік органдардың ұсыныстарын ескере отырып қабылданған шешім бойынша. Еліміздегі бірқатар нысандар жұмысын бастайды.
Олардың қатарында финтес және SPA орталықтары, спорт және мәдениет объектілері (көрерменсіз), мектепке дейінгі балалар мекемелері, қосымша білім беру ұйымдары (бір топта 15 баладан кем емес), ғылыми-зерттеу институттары және ғылыми орталықтар бар.
Сондай-ақ, Қазақстанның облыс орталықтары мен ірі қалаларына темір жол тасымалдары, өңіраралық автобус пен жолаушылар тасымалы қайта жаңғыртылады.
Ескеретін жайт, өңіраралық блок-бекеттер алынғанымен, мемлекеттік санитарлық бас дәрігер мен өңір әкімдіктерінің шешімі бойынша коронавирустың таралу ошағы бар аймақтарда жергілікті блок-бекеттер сақталуы мүмкін.
Парақшамызға жазылыңыз
