“Мінбер” сайты Талдықорған қаласының тұрғыны Текелі қаласында жеміс-жидек сатып күн көретін, жеке кәсіпкер, көпбалалы ана Дина Кашкановаға бетпердесі жартылай түсіп тұрғаны үшін мониторингтік топиың 670910 теңге айыппұл салғаны қоғамдық резонанс тудырып жатқандығы туралы жазған еді.
Кеше Дина Кашканова жалпы Талдықорған жұртшылығына сүйінші хабар жеткізіп, қуанышымен бөлісті. Төбесін көкке жеткізген қуаныштың себебі айыппұлдан босатылғаны. Іс сотқа жетпей аяқталған.
Кеше ғана шыр-пыр болып жүгіріп, қоғамнан көмек сұраған ана қалай өз құқығын қорғап шықты?
“Мінбер” сайтының тілшісіне Текелі қалалық санитарлық эпидемиологиялық бақылау басқармасының қызметкері Р. Алдабергенова жауап берді.
«Карантин талаптарын бұзғаны үшін айыппұл салынған жеке кәсіпкер Кашканова Дина 04/03/2021 күні айыппұлдан босатылды. Тек ауызша ескерту берілді. Себебі Дина «көпбалалы ана» екендігін куәләндыратын құжатын және Текелі қалалық санитарлық эпидемиологиялық бақылау басқармасының басшысы Ж Мұсабековтың атына Алматы облыстық Кәсіпкерлер палатасынан жазылған хатын алып келді. Барлық құжатпен танысып шыққан басқарма басшысы Мұсабеков Ж. жеке кәсіпкер Кашканова Д. тек ауызша ескертумен шектеліп, айыппұлдан босатылғандығынан хабардар етті».
Біз “Мінбер” ұжымы Кашканова Дина Сансызбаеваны шын жүректен құттықтаймыз. Алдағы істеріңіз тек жемісін көрсетсін.
Арайлым Нұржанқызы
Парақшамызға жазылыңыз
