73 жасқа қараған шағында тарих ғылымдарының докторы, профессор Талас Омарбеков қайтыс болды.
Ол Отан тарихын кезеңдеудің теориялық-методологиялық мәселелері бойынша бірқатар зерттеулер жүргізді. Қазақстанда сталиндік тоталитарлық жүйенің орнығу тарихы мен оның салдарын зерттеген алғашқы отандық тарихшылардың бірі. 20 ғасырдың 20 – 30-жылдары Қазақстанда байларды тәркілеу, шаруаларды күштеп ұжымдастыру
саясатының зардаптарын ашып көрсетіп, сол кезеңде орын алған халық наразылығына жаңа тарихи көзқарас қалыптастырған ғалым.
Қазақстан тарихын зерттеп қана қоймай оны оқыту ісіне де көп еңбек сіңірген ғалымның ел тарихындағы еңбегі орасан.
Мінбер кз сайты марқұмның туған-туысына, қазақ халқына, тарих саласының өкілдеріне көңіл айтады.
