Алматы қаласының әкімі Ерболат Досаев бірқатар жер телімдеріндегі құрылыс жұмыстарын тоқтатты.
Мұнда қолданыстағы заңнама мен Мемлекет басшысының тапсырмасын бұзып жатқан заңсыз әрекеттер анықталған.
Әкімдіктің мәліметінше, Президент Қасым-Жомарт Тоқаевтың 2019 жылғы 29 қазандағы тапсырмасына сәйкес, қаладағы жер телімдерінде құрылыс жүргізуге тыйым бар. Ал құрылысы тоқтатылған нысандар сол талапты бұзғаны белгілі болды.
Қала әкімі Ерболат Досаев барлық мән-жай анықталғанға дейін 19 учаскеде, оның ішінде Самал-3 шағын ауданы мен Достық көшесі 125 мекен-жайындағы аумақта жүріп жатқан жұмыстарды тоқтату туралы шешім қабылдады,
— делінген әкімдік ақпаратында.
Айта кетейік, бұған дейін Алматы тұрғындары бұл учаскелердегі құрылыс жұмыстарының жүргізілуіне қарсылық танытып, бірнеше мәрте әкімдікке шағымданған болатын.
Парақшамызға жазылыңыз
