АрселорМитталдың жаңа “иесінің” есімі белгілі болды. Ол – қазақстандық кәсіпкер Андрей Лаврентьев. Бұл туралы 8 желтоқсанда Индустрия және құрылыс министрлігінің сайтында жарияланды.
Лакшми Митталдың Қазақстандағы активтерін қанша сомаға сатқаны белгілі болды. Мәміле Лондонда өтті. Митталмен келіссөздер ұзақ уақытқа созылды, өйткені британдықтар бастапқыда активтер үшін 3,5 миллиард доллар сұрады. Қазіргі уақытта мәміле құрылымы келесідей: актив үшін 286 миллион доллар төленеді + 250 миллион доллар – Митталдың несиелері.
Нәтижесінде транзакция сомасы 3,5 миллиард доллардан 286 миллион долларға дейін қысқарды.
Индустрия министрлігі Қазақстан үкіметі мен халықаралық ArcelorMittal компаниясы «Qazaqstan Investment Corporation» АҚ (QIC) қазақстандық мемлекеттік жеке капитал қорының «ArcelorMittal Temirtau» АҚ және «ArcelorMittal Tubular Products Aktau» АҚ металлургиялық кәсіпорындарының барлық акцияларын сатып алуы бойынша келіссөздерді сәтті аяқтағанын хабарлады.
Мемлекеттік қор бұл кәсіпорындардың қызметіне толық басшылық пен жауапкершілікті өз мойнына алды. Олар жаңа атау алады.
Мәміле сомасы 286 миллион долларды құрады.
Аяқталған транзакцияның үш негізгі элементі:
– мемлекет активтер құнын 3,5 миллиард доллардан 286 миллион долларға дейін төмендетті;
– мәмілені жүзеге асыруға мемлекеттік бюджеттен бір теңге жұмсалған жоқ;
– жаңа инвестор ArcelorMittal бас компаниясының алдында 4 жыл ішінде 250 млн АҚШ доллары көлеміндегі қысқа мерзімді несиені және 450 млн АҚШ доллары көлеміндегі ұзақ мерзімді несиені өтеуге міндеттеме алады.
«286 миллион доллар толық жұмыс істеп тұрған екі кәсіпорынның құны екенін ерекше атап өткім келеді. Сонымен қатар, ArcelorMittal Қазақстан үкіметіне ешқандай талап қоймайды. Келісім халықаралық құқық нормаларын толық сақтай отырып, құқықтық негізде жасалды», – деді Қанат Шарлапаев.
Сондай-ақ «АрселорМиттал» «Қазақстан халқына» қайырымдылық қорына 16 миллиард теңге аударды.
Сонымен қатар, баспасөз мәслихатында Қанат Шарлапаев ArcelorMittal Temirtau (AMT) компаниясының жаңа иесі Андрей Лаврентьев басқаратын Allur компаниялар тобы болатынын хабарлады.
«Шетелдік инвесторлардың қатысуы болмайды. Кәсіпорын қазақстандық инвестордың меншігінде және басқаруында болады. 3 жыл ішінде инвестицияның жалпы көлемі шамамен $3,5 млрд құрайды және жақын болашақта кәсіпорынның операциялық көрсеткіштерін жақсартуға инвестиция 1 млрд доллардан асады», – деді спикер.
Айта кететін жайт, АМТ-ны жаңа иесіне беру мәселесі 2023 жылдың 27 қазанынан 28-іне қараған түні Қарағандыдағы Костенко көмір кенішінде болған апаттан кейін шиеленіскен болатын. Одан кейін 46 адам қаза тауып, тағы 18 адам жарақат алды. Дегенмен, мәміле жасау жұмысы әлдеқайда ертерек басталды. 2023 жылдың қазанында Қазақстан Республикасының үкіметі ArcelorMittal активтерінің жаңа иесін белсенді түрде іздеп жатқанына және мәселені қарашаның соңына қарай шешетініне сендірді. Қанат Шарлапаев мәміленің бағасын да, басқа мәліметтерін де жарияламады.
2023 жылдың тамызында Президент Қасым-Жомарт Тоқаев АМТ-да болып жатқан апаттар аясында компанияның инвестициялық және басқа да міндеттемелерін өрескел бұзғанын атап өтті. Содан кейін ол АМТ үшін оның қазақстандық нарықта болуының тиісті салдарын жоққа шығаруға болмайтынын атап өтті.
Шарлапаевтың айтуынша, бұл кезде Қазақстан үкіметі AMT иелерімен ArcelorMittal-ды металлургиялық зауыттан шығару мүмкіндігі туралы келіссөздер жүргізіп жатқан. Олар 2022 жылы 3 қарашада АМТ еншілес кәсіпорны Ленин атындағы шахтада болған қайғылы апаттан кейін басталды.
Жаңа инвестор туралы не білеміз? Александр Лаврентьев кім?
1979 жылдың 29 маусымында Алматы қаласында дүниеге келген Андрей Лаврентьев үйленген, 6 баласы бар. Жоғары құқық мектебін «Құқықтану» мамандығы бойынша бітірген. Ол «Аллюр» компаниялар тобы» АҚ директорлар кеңесінің төрағасы және акционері. Оның құрамына «Агромашхолдинг» ЖШС және «СарыарқаАвтоПром» ЖШС кіреді. Топ Қазақстан аумағындағы Chevrolet, Kia, JAC және LADA автобрендтерінің ресми өндірушісі, дистрибьютері және серіктесі саналады. Астана және Алматыда сегіз жеке дилерлік орталығы бар. «Агромашхолдинг KZ» АҚ-ның 65 пайызына иелік етеді. Арманжан Байтасовпен бірге «Бизнес-FM» радиостансасын құрған. Қостанай облысындағы Триатлон федерациясының президенті, «Ана үйі» жобасының, YPO Kazakhstan, IQanat білім беру жобасының қатысушысы.
Андрей Лаврентьев 2012 жылы елімізде CKD құрастыру әдісімен автомобиль шығаратын өндірістің негізін қалады. Бір жылдан кейін дәл осы өндіріс ошағы «Индустрияландыру көшбасшысы» санатында Қазақстан Президентінің «Алтын сапа» арнаулы сыйлығына ие болды. Ал 2017 жылы ол «Агромашхолдинг KZ» АҚ акционеріне айналды. Кәсіпорын Беларусьтың «Гомсельмаш» компаниясы шығаратын ауыл шаруашылығы техникаларын Қазақстан аумағында дистрибьюциялауға бірегей құқық алды. 2020 жылы «Узавтосаноат» АҚ-пен бірге Қазақстанда америкалық Chevrolet брендті автомобиль өндірісінің акционеріне айналды. Сол жылы «Аллюр» компаниялар тобы» АҚ Астанада бірінші Отандық электромобильдердің ұлттық павильонын ашып, Қазақстанда «жасыл технологияларды» дамытуға бет бұрады. 2021 жылы Kia Corporation компаниясымен бірге елімізде Kia брендті автомобиль құрастыратын өндіріс ошағының акционері болды.
28 қазанда мемлекет басшысы Қасым-Жомарт Тоқаев үкіметке «АрселорМиттал Теміртау» компаниясымен инвестициялық ынтымақтастықты тоқтатуды тапсырған.
Бұған дейін премьер-министр Әлихан Смайылов жаңа инвестор «АрселорМиттал Теміртау» компаниясының тұрақты жұмыс істеуі үшін кемінде 3 миллиард доллар инвестиция құюы керек екенін мәлімдеген еді.
Александр Лавреньтев активтерді сатып алумен қатар, өндірісті жаңғыртуға және өңірдің экологиясын қорғауға тағы 3 млрд АҚШ долларын құюға міндетті, оның 1,3 миллиард доллары алдағы жылы инвестицияланады.
Құрамына «Агромашхолдинг» пен «СарыарқаАвтоПром» кіретін Allur компаниялар тобының директорлар кеңесінің төрағасы және акционері Андрей Лаврентьев Forbes Kazakhstan нұсқасы бойынша Қазақстандағы ең ықпалды бизнесмендер рейтингінде 26-шы орында. Топ Қазақстандағы Chevrolet, Kia, JAC және LADA автомобиль брендтерінің ресми өндірушісі, дистрибьюторы және серіктесі болып табылады.
АрселорМиттал Теміртау – Теміртаудағы Қарағанды темір-металлургиялық комбинатын, Қарағанды облысындағы сегіз көмір кеніштерін және ондаған қосалқы және басқа кәсіпорындарды біріктіретін қазақстандық болат балқыту және тау-кен өндіруші компания. Ол ArselorMittal трансұлттық металлургиялық тобының құрамына кірді, оның ірі акционері үнді-британдық миллиардер Лакшми Нивас Миттал (ҚР ең ықпалды бизнесмендері рейтингінде №6 – 2011 ж.) болған еді.
Парақшамызға жазылыңыз
