Бүгін Астанада қазақ халқының бір туар ұлы, мемлекет және қоғам қайраткері марқұм Жанәбіл Смағұлұлының жетісіне орай құран қатым түсіріліп, ас беріліп жатыр.
Шет ел қазақтарының арасынан шыққан айтулы азаматымыз Жанәбіл Смағұлтұлын оқырмандарымыздың біреуі білсе, біреуі білмейді. Сондықтан қай жерде туса да, қайда жүрсе де, қай елде мекен етсе де тек қазақ ұлты үшін қызмет еткен ардағымыз жайлы аз-кем мағұлмат беруді міндет еттік.
Жәнәбіл Сымағұлұлы 1934 жылы, Қытай, Алтай аймағы, Қаба ауданында дүниеге келген. (1934 жылы – 22 қараша 2024 жылы Қытай, Үрімжі) — Қытайдағы қазақ ирриденттері арасынан шыққан қоғам және мемлекет қайраткері.
- 1955–1960 жылдары Қаба және Шіңгіл ауданы жастар одағы к-тінің хатшысы болған.
- 1960–65 жылдары Бейжіңде Орталық партия мектебінде жоғары білім алған.
- Алтай аймағының уәлиі (1966–1967)
- Бурылтоғай ауданы партия к-ті хатшысының орынбасары (1971–1972)
- Алтай аймақтық төңкерістік комитеттің меңгерушісі (1972–1974)
- Шыңжаң ұйғыр автономиялы ауданының төңкерістік комитет төрағасының орынбасары
- Іле облысы партия комитетінің 1-хатшысы (1974–1993)
- Шыңжаңда өкімет төрағасының орынбасары (1978–1979)
- Шыңжаң ұйғыр автономиялы районының партия комитеті хатшысының орынбасары (1979–1993) қызметтерін атқарды.
- 2024 жылы 22 қарашада таңғы сағат 02:18 (Бейжиң уақыты) Үрімжі қаласында 90 жасында қайтыс болды.
Жанәбіл Смағұлұлы ұзақ жылдар Шыңжаңдағы оқу-ағарту, мәдениет жұмыстарын көркейтуге белсене араласты. Қытай коммунистік партиясы он бірінші сайланған орталық комитетінің 3-жалпы мәжілісінен кейін Дэн Сяо Пиннің реформасын іске асыруға ат салысып, мәдени революция кезінде жалған жаламен сотталғандарды ақтау ісіне басшылық етті. Сондай-ақ, ол оқу-ағарту ісіне реформа жасауды қолға алып, “Іле” халық баспасын, көркемөнер үйірмелерін құруға, Іле қазақ театрын ашуға, “Шалғын”, “Мұра” журналдарын шығарып, қазақ халқының фольклорын, мәдени мұраларын жинап, кітап етіп бастыруға елеулі үлес қосты.
Мінбер ақпарат
Дерек көз: kk.wikipedia.org/wiki/Жанабіл_Сымағұлұлы#
Парақшамызға жазылыңыз
