ЖҮЗМЫҢ БАСПАТАБАҚТАН ЖҮЗ БАСПАТАБАҚ
Сәлем саған, Алтайым!
Тентегің сонша сағынды.
Жоғалып кеткен бір тайың,
Тарландап барып табылды.
МАҒАЗ РАЗДАНҰЛЫ: Бұл кісі Шыңжаң Алтайында туған ақын-жазушы кісі. Ол жақтағы қазақ әдебиетін жасаған, қалыптастырған айтулы ағабуын. Бүгін АлматыдағыҰлттық Кітапханада автор шығармаларының үш томдықдығы таныстырылды. Кітапті баспадан шығарып, барлық шараны ұйымдастырған Ержәнібек Халықаралық Қоры мен әдебиетті қолдайтын меценат жігіттерге алғысымыз шексіз.
Қажықұмарлар, Мағаздар және олардың саны мыңға жететін ізбасарлары болды. Олар сол жақта жасаған әдебиет — шыңжаң қазақ әдебиеті бүгінде 100 мың баспа табақты құрар еді.
Бүгінгі тойлап отырғанымыз сол 100 мыңнан жеткен жүз баспатабағы ғой.
Ол әдебиет — ондағы қазақ әдебиеті енді өстіп тамтұмдап қана жетеді. Ондағы қазақ та сөйтеді. Бірен-сарандап селдіреп, жүз мың қазақтан бірер жүзі ғана тентіреп, шаршап жетеді.
Біздікі де сол азық тасыған құмырсқаның тірлігі секілді.
Мағаз рухы қалың қазағына жетсін. Кітап құтты болсын!
Алмас Ахметбекұлы
27.12.2024 Алматы.
Парақшамызға жазылыңыз
