Биыл қарашаның 12-і күні дүниежүзінің мықты деген 13 жүзуші (ерлер және әйелдер) Антарктиданың мұздай суын жүзіп өтті. Осындай батыл да мықты жүзгіштер арасында оралдық Әнел Сытдықова да болды.
-1,4 градус суда 750 метр қашықтыққа жүзген Әнел 18.58.95 минут уақыт көрсетті.
Әнел Сытдықова – триатлоннан «Қазақстанның Тұңғыш Темір Ханшайымы», Қазақстаннан шыққан Тұңғыш Айронмен(Ironman), Тұңғыш Ультрамен(Ultraman).
2019 жылы Ла-Манш бұғазын 38 шақырым қашықтықты тоқтаусыз 15 сағат 15 минутта, 2022 жылы Манхеттендегі 20 көпірді айналып жүзіп 48 шақырым қашықтықты бағындырды, және сол жылы Лос-Анджелесте (АҚШ) Санта-Католина аралынан материкке дейінгі 34 шақырымдық марафондық қашықтықтардың бірі Католина бұғазын (Catalina Channel Swimming) тоқтамастан 18 сағат 19 минутта жүзіп өттті.
Әлемдегі ең ұзақ осы 3 марафондық қашықтықтарды бағындырған спортшыларға “ҮШ ТӘЖДІҢ ХАНШАЙЫМЫ” (КОРОЛЕВА ТРЕХ КОРОН) атағы беріледі. Әнел “ҮШТІК ТӘЖ” (Triple Crown) клубының мүшелігіне қабылданған.
Түгелбай Бисен
Парақшамызға жазылыңыз
