Үкімет отырысында премьер-министр Олжас Бектенов елдегі ҚҚС мөлшерлемесін арттыру қажет екенін айтты. Яғни, Қазақстанда қосымша құн салығы мөлшерлемесін көтеру жоспарланып отыр. Алайда Үкімет әлі ҚҚС мөлшерін нақтыламады.
Үкіметтегі брифингте Серік Жұманғарин әлемдегі ең кең таралған мөлшерлеме – 20 пайыздық ҚҚС екенін алға тартты. Ал Қазақстанда – 12 пайыз. Осыған қатысты Minber.kz сарапшылар мен заңгерлердің пікірін білген болатын. Ал әлем елдерінде қосымша құн салығы қанша пайыз? Massaget.kz жазуынша, негізі қосымша құн салығының мөлшерлемесі ел мен аймаққа байланысты өзгереді.
ТМД елдері:
Ресей, Беларусь, Украина, Армения – 20 пайыз;
Қырғызстанда – 12 пайыз;
Тәжікстанда – 18 пайыз;
Өзбекстанда – 15 пайыз.
Еуропа елдері:
Германия – 19 пайыз;
Аустрия, Болгария, Ұлыбритания, Словакияда – 20 пайыз;
Бельгия, Испания, Латвия, Литва, Нидерланд пен Чехияда – 21 пайыз;
Италияда – 22 пайыз;
Польша және Португалияда – 23 пайыз;
Дания, Хорватия, Швецияда – 25 пайыз;
Ең көбі: Мажарстанда – 27 пайыз.
Азия елдері:
Малайзияда – 6 пайыз;
Таиланд, Сингапур – 7 пайыз;
Жапония, Оңтүстік Корея, Вьетнамда – 10 пайыз;
Қытайда – 13 пайыз;
Үндістанда – 18 пайыз;
Аустралия, АҚШ, Канада сияқты бірқатар елдерде сату салығы бар. Бұл екі салық салыстыруға келмейді. Тауарларды өндіру барысында ҚҚС-қа тек қосымша құн салынады, ал сату салығы тізбелі әсер етеді, айналымға салық салынады, бұрын төленген салық есепке алынбайды.
Айта кететін жайт, қосымша құн салығы – мемлекетке төленетін жанама салықтың бір түрі, ол тауарлар мен қызметтердің қосымша құнына салынады. Қарапайым тілмен айтсақ, ҚҚС тауарды немесе қызметті өндірудің әр кезеңінде, сондай-ақ оны соңғы тұтынушыға сатқан кезде төленеді. ҚҚС арқылы мемлекет бюджеттегі ақша көбейеді. Ол денсаулық сақтау, білім беру және инфрақұрылым сияқты қоғамдық қажеттіліктерді қаржыландыруға жұмсалады.
Парақшамызға жазылыңыз
