2025 жылы аграрлық сектордағы инвестициялық жобаларды дамыту мақсатында Аграрлық несие корпорациясы (АНК) мен ҚазАгроҚаржы арқылы кемінде 1,5 трлн теңге бөлінеді. Бұл қаражат көктемгі егіс және жиын-терім жұмыстарын жүргізуге, инвестициялық жобаларды іске асыруға, негізгі құрал-жабдықтарды сатып алуға, айналым қаражатын толықтыруға және ауыл шаруашылығы техникасының лизингіне жұмсалады.
Негізгі басымдықтар:
- Ауыл шаруашылығы өнімдерін қайта өңдеу және азық-түлік өндірісі (әлеуметтік маңызы бар азық-түлік өнімдеріне ерекше назар аударылады);
- Суару жүйесін дамыту (жаңбырлату қондырғылары, суару құрылыстары, тамшылатып суару);
- Өнеркәсіптік жылыжайлар (көкөніс бағасының маусымдық ауытқуын төмендету);
- Инфрақұрылымды дамыту (өнімді орау, сақтау және тасымалдау);
- Өнеркәсіптік ауқымда жемшөп өндірісін кеңейту.
Инвестициялық жобаларды қаржыландыру отандық өндірісті дамытуға, азық-түлік инфляциясының импортқа тәуелділігін азайтуға, ішкі нарықты тұрақты қамтамасыз етуге және экспорттық әлеуетті арттыруға бағытталады.
Жобаларды кеңінен қамту үшін АНК арқылы қаржыландыру лимиттері 7 млрд теңгеден 15 млрд теңгеге дейін ұлғайтылады. Сонымен қатар, «Бәйтерек» холдингінің Кепілдік қоры мен «Даму» қорының кепілдік құралдары Аграрлық несие корпорациясының ұзақ мерзімді жобаларына кеңінен қолданылмақ. Сондай-ақ, Қазақстанның экспорттық-кредиттік агенттігінің ауыл шаруашылығы өнімдерінің экспортын қолдауға арналған мандаты күшейтіледі.
ҚазАгроҚаржы лизингтік бағдарламалары аясында фермерлерге отандық ауыл шаруашылығы техникасын сатып алуға басымдық беріледі. Бұл шара өнеркәсіптік кәсіпорындарға мультипликативтік әсерін тигізіп, ауыл шаруашылығы өндірісінің тиімділігін арттыруға мүмкіндік береді.
Экспортты кеңейту және жаңа нарықтарға шығу
Аграрлық секторда экспортты дамыту маңызды басымдықтардың бірі болып отыр. Осы мақсатта Қазақстанның экспорттық-кредиттік агенттігі арқылы ауыл шаруашылығы өнімдерінің экспортын қаржылық және сақтандыру құралдары арқылы қолдау күшейтіледі. Сондай-ақ, қазақстандық өнімдерді Қытай, Орталық Азия, Таяу Шығыс және Еуропалық Одақ елдеріне жеткізу үшін халықаралық серіктестермен келісімдер жасалуда. Көлік-логистикалық инфрақұрылымды дамыту, соның ішінде жаңа қойма кешендерін салу және тасымал шығындарын оңтайландыру бойынша шаралар қабылданады. Осы мақсатта «Бәйтерек» холдингі құс шаруашылығы кәсіпорындары мен өсімдік шаруашылығы бағытында экспортқа бағдарланған жобалар пулын қалыптастырады.
Экспортты арттыруға бағытталған негізгі шаралар:
- Дәнді, майлы және бұршақ дақылдарының ірі өндірушілері мен трейдерлерін біріктіру;
- Экспорттық арналарды кеңейту және жаңа нарықтарға шығу (Қытай, Орталық Азия, Еуропалық Одақ);
- Баға белгілеудегі алыпсатарлық факторларды азайту арқылы нарықты тұрақтандыру;
- Ірі халықаралық серіктестермен әріптестік (COFCO және т.б.);
- Көлік-логистикалық қызметтерді жақсарту;
- Азық-түлік қауіпсіздігі мақсатында Таяу Шығыс пен КОВА елдеріне экспортты арттыру.
«Қазақстанның экспорттық-кредиттік агенттігі» АҚ (ЭКА) арқылы экспортты қолдаудың келесі құралдары қарастырылған:
- Кепілдіктер беру;
- Қайта сақтандыру;
- Композиттік қызметтер көрсету.
Бұл шаралар қазақстандық өнімдерді жаңа нарықтарға шығарып, отандық өндірушілердің бәсекеге қабілеттілігін арттыруға мүмкіндік береді.
Тұрғын үй құрылысын дамыту
Аграрлық секторды қолдаумен қатар, елді мекендердегі тұрғын үй мәселесін шешу де маңызды. Осыған орай, моноқалалар мен шағын қалаларда тұрғын үймен қамтамасыз ету бойынша жобалар іске асырылады. Бұл шара жұмыс күшін ауылдық аймақтарда тұрақтандыруға ықпал етеді.
Қалалар мен аймақтар бойынша негізгі жобалар:
- Ақмола облысы – Көкшетау қаласында жаңа тұрғын үй кешендері;
- Түркістан облысы – Түркістан және Кентау қалаларында ипотекалық бағдарламаларды кеңейту;
- Қостанай облысы – ауылдық жерлерде жеке тұрғын үй құрылысын дамыту;
- Маңғыстау облысы – Ақтау қаласында көпқабатты тұрғын үйлер салу;
- Шығыс Қазақстан облысы – Өскемен және Семей қалаларында әлеуметтік баспаналар салу.
«Наурыз жұмыскер» жаңа ипотекалық бағдарламасының негізгі параметрлері:
- 72 млрд теңге көлемінде 2 440 қарыз беру;
- Өтінімдерді қабылдау 2025 жылдың 17 наурызында басталды;
- Жеңілдетілген ипотекаға қол жеткізу мүмкіндігін кеңейту.
«Бәйтерек» холдингі бұл бағдарламаны іске асыру үшін жергілікті серіктестермен жұмыс істеп, «Қазақстан Тұрғын үй компаниясы» АҚ тетіктерін пайдаланатын болады. Осы шаралар тұрғын үй мәселесін шешіп қана қоймай, өңірлерде білікті кадрлардың тұрақты қалыптасуына ықпал етеді. секторды қолдаумен қатар, елді мекендердегі тұрғын үй мәселесін шешу де маңызды. Осыған орай, моноқалалар мен шағын қалаларда тұрғын үймен қамтамасыз ету бойынша жобалар іске асырылады. Бұл шара жұмыс күшін ауылдық аймақтарда тұрақтандыруға ықпал етеді.
Дереккөз: ҚР Ұлттық экономика министрлігі
Парақшамызға жазылыңыз
