Фото: kun.uz
Ертең футболдан Өзбекстан құрамасы әлем чемпионатына іріктеу турнирі аясында Тегеранда Иран футболшыларына қарсы матч өткізеді.
Азия аймағынан іріктелетін командалар арасында Иранның мундиальға бару мүмкіндігі жоғары. Өйткені олар «А» тобында 19 ұпаймен көш бастап тұр. Екінші орынға 16 ұпай жинаған Өзбекстан құрамасы жайғасқан. Иран өз алаңында тең ойнаса да, 2026 жылы өтетін футбол тойына жолдама алады. Топтың қос лидері мундиальға тікелей тартады. Өзбекстанның да әлем чемпионатының финалдық турниріне шығуға мүмкіндігі бар.
Ол үшін Иранды жеңіп, Катар мен БАӘ, Қырғызстан және КХДР-мен сырт алаңда ұпай жоғалтқанын күтуі керек.
Ал Иранмен тең түссе, Катар мен БАӘ жеңілгенін тілейді.
Қазір өзбек футболшылары тобында екінші орында. Үшінші орындағы командадан 6 ұпай озып тұр. Жоғарыдағы жағдай орын алмаса, маусымның бесі күні БАӘ командасын сырт алаңда, сол айдың 10-ны күні өз алаңында Катарды жеңуі керек.
Шым-шытырық көрінеді. Десе де барлығы футболшылардың өз қолында.
Түгелбай Бисен
Парақшамызға жазылыңыз
