2025 жылдың мамыр айы қазақстандықтар үшін мерекелер мен демалыс күндеріне толы болмақ. Бұл айда елімізде үш бірдей ұлттық мереке атап өтілетіні белгілі: Қазақстан халқының бірлігі күні, Отан қорғаушылар күні және Жеңіс күні.
1 мамыр – Қазақстан халқының бірлігі күні. Бейсенбіге түсетін бұл мереке күні ел тұрғындары демалады. Бұл күн Қазақстандағы барлық этностардың бірлігі мен татулығын дәріптейтін маңызды мереке болып табылады.
7 мамыр – Отан қорғаушылар күні. Сәрсенбіге сәйкес келетін бұл күн де ресми түрде демалыс болып саналады. Отан қорғаушылар күні – Қазақстан Қарулы Күштерінің құрылған күні. Бұл мереке әскери қызметкерлерге және еліміздің қорғаныс саласына үлес қосып жүрген азаматтарға көрсетілетін ерекше құрметтің белгісі.
9 мамыр – Жеңіс күні. Жұма күніне түсетін Жеңіс күні де демалыс болып табылады. Бұл күн Екінші дүниежүзілік соғыстағы Жеңісті еске алу және ардагерлерге құрмет көрсету күні ретінде атап өтіледі.
Жұмыс аптасына байланысты демалыс күндері
Бес күндік жұмыс аптасы барлар үшін:
- 1 мамыр (бейсенбі) – демалыс
- 2 мамыр (жұма) – жұмыс күні
- 3–4 мамыр (сенбі-жексенбі) – демалыс
- 7 мамыр (сәрсенбі) – демалыс
- 8 мамыр (бейсенбі) – жұмыс күні
- 9–11 мамыр (жұма-жексенбі) – демалыс
Алты күндік жұмыс аптасы барлар үшін:
- 1 мамыр (бейсенбі) – демалыс
- 2–3 мамыр (жұма-сенбі) – жұмыс күндері
- 4 мамыр (жексенбі) – демалыс
- 7 мамыр (сәрсенбі) – демалыс
- 8 мамыр (бейсенбі) – жұмыс күні
- 9 мамыр (жұма) – демалыс
- 10 мамыр (сенбі) – жұмыс күні
- 11 мамыр (жексенбі) – демалыс
Демалыс күндерін ауыстыру жоспарланбады
ҚР Еңбек және халықты әлеуметтік қорғау министрлігінің мәліметіне сәйкес, 2025 жылы мамыр айында мереке күндеріне байланысты демалыс күндерін ауыстыру көзделмеген. Бұған дейін тек 2025 жылдың қаңтарында ғана демалыс күндері өзгертілген болатын.
Айта кету керек, ҚР Еңбек кодексінің 85 бабының 3 тармағына сәйкес, мереке күндері кезінде жұмыс уақытын тиімді пайдалану мақсатында Үкімет демалыс күндерін басқа жұмыс күндеріне ауыстыруға құқылы.
Қорытындылай келе, 2025 жылғы мамырда қазақстандықтар ресми түрде 12 күн демалады, оның ішінде мерекелік күндер мен апталық демалыстар бар.
Парақшамызға жазылыңыз
