Астанадағы “Барыс Арена” мұз сарайындағы бокс кешінің екінші жекпе-жегінде қазақстандық Ақниет Әлімбай мен чехиялық Йозеф Дубски қолғап түйістірді.
Кәсіпқой боксқа келгеніне көп бола қоймаған қос жауынгер жартылай орта салмақта кім мықтыны анықтады. Осыған дейін екі кездесу өткізіп, екеуін де жеңіспен аяқтаған Ақниет Әлімбай бұл сынның фавориті саналды. Оның үстіне өз елінде, өз жанкүйерлері алдында жұдырықтасуы да Ақниет үшін қол болды.
Ақниеттің қарсыласы Йозеф Дубски де жеңілгенді ар санайтын жігіт. Кәсіпқой рингте бір кездесуін нокаунтпен аяқтаған.
Жекпе-жек барысында Ақниет Әлімбай шабуылдап, әр соққысын дәл жеткізуге тырысқанымен, Йозеф Дубски оған қатаң қарымта соққыларымен жауап қайтарды. Қос боксшы да бір-біріне айтарлықтай басымдық танытпағанымен, соңғы сөзді төрешілер айтты.
Қорытындысында, төрешілердің шешімі бойынша Йозеф Дубски жеңімпаз деп танылды.
Түгелбай Бисен
Парақшамызға жазылыңыз
