Футболдан Еуропа чемпионатының екінші күні Германия мен Данияның жеңісімен аяқталды, деп хабарлайды Sports.ru.
Еуро-2012 екінші күні В тобында турнирдегі алғашқы матчын өткізген Голландия 0:1 есебімен Даниядан ұтылып қалды – жеңіс голын Крон-Дели соқты. Германия да Марио Гоместің жалғыз голының арқасында Португалидан басым түсті.
Айта кету керек, Голландия құрамасы 1988 жылдан кейін Еуропа чемпионатының алғашқы ойынында алғаш рет жеңіліске ұшырап отыр.
Жиырма төрт жыл бұрын голландықтар 0:1 есебімен КСРО футболшыларына есе жіберген болатын, алайда бұл олардың чемпион болуына кедергі келтірген жоқ, деп хабарлады Infostrada.
Бейне YouTube-тегі Еуро-2012 ресми арнасы мен Спорт-1 телеарнасынан алынды
Дереккөз: bnews.kz
