Әзірге, ресми тіркеуде тұрған ҚР халқының саны 2013ж. 1 мамырдың есебі бойынша16990,1 мың адамды құрады, соның ішінде қалалықтар – 9327,8 мың (54,9%), ауылдықтар – 7662,3 мың (45,1%). Бірақ, есепке ілікпеген жаңа туғандарды қоса есептегенде, ел тұрғындары 17 млн. асты деп айтуға болады деді Статистика агенттігінің төрағасы Ә.Смаилов баспасөз мәслихатында.
2013ж. қаңтар-сәуірде республика халқының табиғи өсімі 79,3 (2012ж. қаңтар-сәуірде – 77,1) мың адамды құрады. Табиғи өсімнің жалпы коэффициенті 1000 адамға шаққанда 14,2 (13,9). Осы уақыт ішінде АХАТ органдарында 127,7 (126,5) мың туылғандар тіркелді, бұл 2012ж. сәйкес кезеңімен салыстырғанда 1%-ға артты. 1000 адамға шаққандағы туудың жалпы коэффициенті 22,8 туғандарды құрады. Өлгендер саны – 48,4 (49,3) мың адам ( 1,8%-ға кем). 1000 адамға шаққандағы өлімнің жалпы коэффициенті -8,7 (8,9) .
Осы уақыт ішінде АХАТ органдарында 47 (46,2) мың неке тіркелді. Олардың саны 2012 жылдың сәйкес кезеңімен салыстырғанда 1,7%-ға көбейді. Некенің жалпы коэффициенті 1000 адамға шаққанда 8,4 (8,3) құрады. 16,5 (15,1) мың ажырасулар тіркеліп, олардың саны 9,3%-ға өсті. Ажырасудың жалпы коэффициенті 1000 адамға шаққанда 2,9 (2,7) құрады.
Жыл басынан бері республика бойынша көші-қонның оң айырымы қалыптасты. Республикаға келгендер саны кеткендер санынан 1111 адамға немесе 20,1%-ға артты.
Еліміздегі негізгі көші-қон алмасуы ТМД мемлекеттерімен орын алуда. Оның келген-кеткендер саны, тиісінше 5385 (81,1%) және 5143 (93%) адамды құрады. Ел ішінде қоныс аударатын көшіп-қонушылар саны 21,9%-ға азайды және 87,4 (111,9) мың адамды құрады. Өңіраралық қоныс аудару бойынша халық көші-қонының оң айырымы еліміздің 6 өңірінде байқалды: Астана (3842 адам) және Алматы (1998 адам) қалаларында, Алматы (1883 адам), Маңғыстау (647 адам), Атырау (206 адам) және Павлодар (118 адам) облыстарында.
Дәулетқали АСАУОВ
baq.kz
Парақшамызға жазылыңыз
