Жақында Астана қаласындағы “Алматы” бизнес орталығында Оралмандардың «Асар» қоғамдық бірлестігі мен халықаралық саяси апталығы «Түркістан» газетінің ұйымдастыруымен «Оралмандар: Азаматтық алуды оңтайландырудың жолдары» тақырыбында дөңгелек үстел болып өтті. Дөңгелек үстелге Еңбек және халықты әлеуметтік қорғау министрлігі, Көші-қон комитетінен, Астана қаласы Жұмыспен қамту және әлеуметтік бағдарламалар басқармасы көші-қон бөлімінен, қоғамдық ұйым өкілдерінен және оралмандар мен БАҚ өкілдері қатысты. Дөңгелек үстелде әңгіме болған негізгі мәселе, оралмандардың азаматтық алу проблемалары, тұрақты тіркеу және қазір Еңбек және халықты әлеуметтік қорғау министрлігі дайындап, арнайы құрылған жұмыс тобы мен Парламент депутаттары талқысына түсіп жатқан оралмандарға азаматтық беру, тұрақты тіркеу ережелерін қалыптастыру мәселелері талқыға салынды. Осы дөңгелек үстелге арнайы келген Еңбек және халықты әлеуметтік қорғау министрлігі Көші-қон комитетінің Этникалық көші-қонды реттеу басқармасының басшысы Марат Тоқсамбаев заң қабылдаудағы түйткілдер жайында ой бөліседі
Парақшамызға жазылыңыз
