Жаңа басшы ұжымға бүгін таныстырылды
«Бүгін «Қазақстан» РТРК» АҚ ұжымына жаңа басшы Ерлан Қаринді таныстырдым. Ерлан Тынымбайұлы білікті саясаттанушы, идеолог, еліміздің шынайы патриоты ретінде көпшілікке жақсы таныс екеніне еш күмәнім жоқ. Ендігі жерде оған еліміздегі ең ірі медиа құрылымның жұмысын одан әрі дамыту тапсырылып отыр. Ерлан Тынымбайұлы бұған дейінгі іргелі ша-раларды одан әрі жалғастырып, корпорацияны жаңа деңгейге көтереді деп сенемін», – деп жазған ҚР Ақпарат және коммуникациялар министрі Дәурен Абаев Facebook парақшасында.
Ерлан Қарин 1976 жылы 26 мамырда Оңтүстік Қазақстан облысы, Сайрам ауданы, Ақсу ауылында туған.
1997 жылы Қ. Жұбанов атындағы Ақтөбе мемлекеттік университетін, сондай-ақ әл-Фараби атындағы Қазақ ұлттық университетінің аспирантурасын аяқтаған. Саясаттану ғылымдарының кандидаты.
Әр жылдары Қазақстан даму институтының Саяси зерттеу орталығында ғылыми қызметкері, «Асар» Республикалық партиясы төрағасының бірінші орынбасары, Антитеррористік бағдарламалар орталығының басшысы, «Нұр Отан» ХДП хатшысы, Қазақстан стратегиялық зерттеулер институтының директоры қызметтерінде болған.
Ерлан Қаринді жаңа қызметімен құттықтаймыз.
“Мінбер-ақпарат”
