«Бизнестің жол картасы – 2020» бағдарламасына қатысам десеңіз…

– Субсидиялау кезінде Банк қандай комиссия және алым өндіріп алады?
-Банк субсидиялау кезінде кредитке байланысты ешқандай комиссия, алым және/немесе өзге төлемдер өндіріп алмайды. Тек:
• кредиттеу шарттарының Кәсіпкердің бастамашылығымен өзгеруіне байланысты;
• кәсіпкердің кредит міндеттемелерін бұзу себебіне байланысты өндіріліп алынатын комиссия, алымдар және/немесе өзге төлемдерден басқа.

-Кәсіпкер жобаға өз қаражатымен қатысуы тиіс пе және қандай мөлшерде қатысуы тиіс?
– Кәсіпкер жобаның жалпы іске асырылу құнының 15%-нан төмен болмайтын деңгейде өз қаражатымен (ақшалай) немесе 25%-нан кем болмайтын мөлшерде мүлік түрінде жобаның іске асырылуына қатысуын қамтамасыз етуі тиіс.

– Егер жаңа жобаға кредит берілетін болса, онда Кәсіпкер субсидия алуы үшін қайда өтініш жасауы қажет?
-Субсидия беру механизмі мынадай кезеңдерден тұрады:
1. Кәсіпкер жаңа кредит алу үшін немесе қолданыстағы кредит бойынша субсидия алу ниеті туралы және де субсидиялау мақұлданған жағдайда кредит сыйақысының мөлшерлемесін төмендету туралы банкке өтініш жасайды;
2. Банк кредит беру/ кредит сыйақысының мөлшерлемесін төмендету туралы оң шешім шығарған жағдайда, Кәсіпкер жергілікті деңгейдегі жергілікті атқару органына (ЖАО) яғни Үйлестірушіге (Әкімдік жанындағы кәсіпкерлік және өнеркәсіп басқармасына) өтініш етеді;
3. ЖАО барлық құжат пен ақпаратты алған кезден бастап 10 (он) жұмыс күні ішінде жобаны Аймақтық үйлестіру кеңесінің (АҮК) қарастыруына шығарады.
4. АҮК субсидиялаудың мүмкіндігі (мүмкін еместігі) туралы шешім қабылдайды, сосын АҮК отырысы өткізілген күннен бастап, 2 (екі) жұмыс күні ішінде хаттамамен ресімделінеді, және хаттамада жобасы мақұлданбаған жекелеген Кәсіпкерлердің қатыстырылмау себептері міндетті түрде көрсетілуі тиіс;
5. ЖАО АҮК хаттамасы әзірленгеннен кейін мақұлданған жобалар тізбесін 2 (екі) жұмыс күні ішінде:
• Қазақстан Республикасы Экономикалық даму және сауда министрлігіне – ЭДСМ-ге (мақұлданған жобалардың Бағдарламаның критерийлеріне сәйкестігін тексеру үшін);
• Банктерге және «Даму» Қорына (Кәсіпкермен Субсидиялау шартын жасасу жөніндегі дайындық іс-шараларын өткізу үшін);
6. ЭДСМ АҮК хаттамасы мен Кәсіпкерлер бойынша (мақұлданған/бас тартылған) құжаттар пакетін алған кезден бастап, 10 (он) жұмыс күні ішінде жекелеген жобаларды бекітеді я болмаса оларды құптамайды және қабылданған шешімді ЖАО назарларына жеткізеді;
7. Жергілікті деңгейдегі ЖАО Кәсіпкер жобасының бекітілгені жайлы ЭДСМ-нен хат алғаннан кейін жобалары АҮК-мен я болмаса Уәкілетті органмен субсидиялануға мақұлданған немесе бас тарту себептерін көрсете отырып, бас тартылған барлық Кәсіпкерлерді 5 (бес) жұмыс күні ішінде хабардар етеді;
8. Банк Кәсіпкер жобасының бекітілгені жайлы ЭДСМ-нен хат алғаннан кейін Банк пен Кәсіпкер арасында Субсидиялау шарты жасалынады;
9. Субсидиялау шартына қол қойғаннан кейін, Банк пен Кәсіпкердің қолы қойылған Субсидиялау шартының түпнұсқасын қарастыруы және қол қоюы үшін «Даму» Қорына ұсынады;
10. Жергілікті деңгейдегі ЖАО ЭДСМ-нен хат алғаннан кезден бастап 3 (үш) жұмыс күні ішінде «Даму» Қорынан субсидия сомасын есептей отырып, 1 (бір) тоқсан ішінде Банкке төлеуге жеткілікті ақшалай қаражатты аударуға өтінім сұратады;
11. «Даму» Қоры жергілікті деңгейдегі ЖАО-нан сауал хат алғаннан кейін Кәсіпкердің кредиті бойынша Банкке 1 (бір) тоқсан ішінде төленуі тиіс субсидия сомасын есептеп, содан кейін Өтінім қалыптастырады және оны жергілікті деңгейдегі ЖАО-на жолдайды;
12. кейіннен «Даму» Қоры сәйкес тоқсан уақыты өткенге дейін, қаражатты келесі тоқсанда Банкке субсидия төлеуге аудару үшін Өтінімді 15 (он бес) жұмыс күнінен кешіктірмейтін мерзімге жергілікті деңгейдегі ЖАО-ға жолдайды, жергілікті деңгейдегі ЖАО қаражатты Өтінімде көрсетілген деректер бойынша «Даму» Қорының шотына аударуды 3 (үш) жұмыс күні ішінде жүзеге асырады;
13. «Даму» Қоры Кәсіпкер өзінің кредит бойынша сыйақы бөлігін төлегеннен кейін, Кәсіпкердің қарыз сыйақысы (мүддесі) бойынша шығыстарының орнын толтыру үшін, қаражатты айсайын Банкке аударып отырады;
14. Егер Кәсіпкер субсидияланатын қарызын айсайынғы өтеу төлемін төлемеген жағдайда, онда «Даму» Қоры да сол айда төленуі тиіс субсидия сомасын төлемейді.

– Қандай жағдайда жаңа жобалар бойынша субсидиялау тоқтатылуы мүмкін?
-Қаржы агенті:
• субсидияланатын кредиттің мақсатсыз пайдаланылуы;
• Кәсіпкердің Банктік қарыз шартына сәйкес төлем кестесіне сай Банк алдындағы төлемдерін төлеу жөніндегі міндеттемелерін 3 (үш) ай бойы орындамау фактілері анықталған жағдайда, Кәсіпкерді субсидиялауды тоқтататуға құқығы бар.
Субсидиялауды тоқтату немесе қайта жаңғырту туралы ақырғы шешімді Қаржы агенті және/немесе Бағдарламаның жергілікті деңгейдегі Үйлестірушісінің өтініші (хабарламасы) негізінде тек уәкілетті орган ғана қабылдайды.

– «Бизнестің жол картасы – 2020» Бағдарламасының бірінші бағыты: «Жаңа бизнес бастамаларды қолдау» аясында ішінара кепілдік алу шарттары қандай?
-Кепілдік беру ішінара болып табылады және кепілдік шарты кредит сомасының 50% аспауы шарт, яғни бір Өтініш берушіге 1,5 млрд теңгеден аспайтындай болуы қажет. Қор кепілдігін беру Өтініш берушінің кредит шарты бойынша міндеттемелерінің орындалуының қамтамасыз етілуі жөнінде Қор, Банк және Өтініш беруші арасында үшжақты Кепілдік шартын жасасу арқылы жүзеге асырылады. «Жаңа бизнес бастамаларды қолдау» атты Бағдарламаның бірінші бағыты аясында Банктер беретін кредит бойынша ішінара кепілдік берудің басты шарттарына мыналар жатады:
1. инвестициялық жобаларды іске асыру үшін және өндірісті жаңғыртуға және ұлғайтуға бағытталған жобалар бойынша жаңа кредиттер сегменті;
2. кепілдік берілетін кредит сомасы –1 қарыз алушыға кемінде 3 млрд теңге;
3. кепілдік беру мерзімі 10 жылдан аспауы тиіс;
4. өз қаражатымен қатысу – жобаның жалпы іске асырылу құнының 15%-нан төмен емес мөлшерде ақшалай немесе 25%-нан кем болмайтын мөлшерде мүлік түрінде жобаның іске асырылуына қатысуын қамтамасыз етуі тиіс;
5.Кепілдік мөлшері кредит сомасының 50% аспауы тиіс.

Жалғасы бар.