Сәулелі сүттей сәуелі
Бұлақтай қасқа татымды,
Арылтар бойдан татымды.
Қазаққа Абай болсын деп,
Абай деп қойған атын да.
Адамзат оның жақыны,
Адамға болмас жат үні.
Алты құрлық,
Қазақтың,
Ақылдан туған ақыны….
Өлеңге құмар баласы,
Қайғыдан қалың наласы.
Адамзаттың ақиқат,
Арлыға болар таласы.
Абай деп айтам асылым,
Тәңірден соңғы ғашығым.
Көр соқырдың аузынан,
Көпірер кейде сасық үн.
Шығады ондай пендеден,
Құлқынын ғана жемдеген.
Арсызды Абай емес пе,
Жөндеген де, емдеген.
Жақсыны жаттай көрмеген,
Жатады жолда көлденең.
Күш-қуат алсын Абайдан,
Өлеңге асық шөлдеген.
Сәулелі сүттей сәуелі –
Абайдың демі, әуені.
Дерттенген қоғам, үшкіртер,
Абайға келіп әуелі.
10.08.2018j
Парақшамызға жазылыңыз
