Шағын қаланың карантиндегі ахуалы
Қазақстан Республикасы Ұлттық экономика министрлігі Статистика комитеті сайтындағы 2020 жылдың сәуір айындағы мәлімет бойынша Талдықорған қаласында 11 380 шағын және орта кәсіпкерлік субьект бар екен. Олардың бірі қала тұрғындарына жақсы таныс «Tandoor» және «bazilik» мейрамханалары. Біз Алматы облысының орталығындағы осы мейрамханалардың карантиндегі жағдайы туралы білу үшін оның иесімен тілдестік.
Дәурен ТАЛИПОВ Талдықорғандағы атақты «bazilik» пен «Tandoor» мейрамханаларының иесі. Ең алғашқы кәсібін 2007 жылы азық-түлік дүкенінен бастаған. Карантин басталмай тұрып, таңғы сағат 09.00-24.00 ге дейін Талдықорған тұрғындары мен қонақтарына қызмет еткен мейрамханалар қазір жабық. Карантинге байланысты табысының 60-70%-нан айырылған мейрамхана иесі қызметкелерінің 80% -ын ақысыз демалысқа жіберуге мәжбүр болған. Қазір мейрамханада қызмет еткен 90 адамның 20%-ы үйге тамақ апарып беру тәртібімен жұмыс істеп жүр. Дәурен Талиповтың айтуынша олардың жалақысы екі есе қысқарған. Азық-түлік бағасының өсуіне байланысты тамақтардың бағасы да қымбаттаған. Ал карантин уағында үйге тамақ тапсырыс беретіндер саны бұрынғыға қарағанда 30% ға өсіпті.
Коронавирус пандемиясы дүниежүзіндегі экономиканың құлдырауына әкеп соқты. Одан Қазақстан экономикасы да зардап шекті. Еліміздің бір қаласындағы шағын кәсіпкердің карантин кезіндегі жұмысы осы зардаптың бір мысалы десек, қателеспейміз. Бір жұмыс берушінің 80% қызметкерін ақысыз демалысқа жіберуі ел ішіндегі жұмыссыздықты арттыратыны мәлім. Алайда, жұмыс берушіні айыптай алмаймыз. Адамдардың ары бері жүруі шектелген осы бір шарасыз кезең «Жүргенге жөргем ілінеді» деген қазақы тәмсілдің рас екенін дәлелдегендей.
Парақшамызға жазылыңыз
