Microsoft Translater blog сайты қазақ тілінің Microsoft Translator тілдер тобына қазақ тілінің де қосылғанын жария етті. “Қош келдің Қазақ тілі, (Welcome, Kazakh!)” деген шағын ақпаратқа назар аударсақ: “Біздің басты миссиямыз тілдік кедергілерді жою. Осы мақсатта әлемде 22 миллион сөйлеушісі бар Қазақ тілін майкрософт аудармашы тобына қосуды жөн санадық. Qazaqsha немесе Qazaq Tili деген атаумен мәлім бұл тілде Қазақстанда, Қытайдың батысында, Моңғолияның батысында және Ресейдің оңтүстігінде, сондай-ақ бүкіл әлемде сөйлейді. Қазақ тілі Түркі, Әзірбайжан, Қырғыз, Өзбек және Ұйғыр тілдері секілді Түрік тілдері тобына жатады. Үш түрлі алфавит қолданады. Кириллица Қазақстан мен Моңғолияда, араб алфавиті Қытайда, сондай-ақ, Қазақстанның ресми билігі қазақ алфавитін латын әліпбиіне ауыстыруды қолға алды. Сіз кириллицадағы қазақ тілінен әлемнің 60 тіліне аударма жасай аласыз” делінген аталған сайттағы мәлімдемеде.
Таяу арада қазақ тілі Microsoft-тың аударма жасайтын қолданбалары, баптаулары, Office бағдарламасы, Bing-ке арналған аудармашыда және кәсіпкерлер мен мен бағдарлама жасаушыларға арналған Azure Cognitive Services аударма қызметі секілді жобаларында қолжетімді болмақ.
