Сонымен ҚР Парламентінің Мәжілісі мен мәслихаттар депутаттарын сайлау аяқталды. Орталық сайлау комиссиясының берген мәліметі бойынша, барлық сайлаушылардың 63,1% -ы сайлауға келіп, өз таңдауын жасаған.
Сонымен қай өңірдің сайлаушылары белсенді болды?
Орталық сайлау комиссиясы сағат 10.00-ден бастап, әрбір екі сағат сайын сайлауға келушілердің жедел ақпаратымен бөлісіп отырды. Графикадан көріп отырғаныңыздай, дауыс беруде аса белсенді болған өңір – Солтүстік Қазақстан облысы. Сағат 10.00-ден кешкі 20.00-ға дейін бұл өңір көшбасшы болып келген. Екінші орынды 73,5%-бен Алматы облысы иеленсе, одан кейінгі орында Ақмола облысы (72,8%) тұрақтаған. Жалпы, алғашқы орындарды – Шығыс Қазақстан (72,4%), Қостанай (71,8%), Қарағанды (71,3%) және Павлодар (70,7 %) облыстары бөліскен.
Саяси белсенділігі жағынан ең төмен өңір – Алматы қаласы (30,3 %) екендігін бұл сайлау тағы да паш етті. Одан кейінгі орында Нұрсұлтан қаласы, келушілердің үлес салмағы – 45,1 %.
Яғни, мегаполистегі ағайынның сайлауға келуі өңірдегі ағайынмен салыстырғанда анағұрлым төмен.
Мен өзім таңертең сағат 6.00-ден кешкі 20.00-ге дейін бір учаскені бақылаумен болдым. 2242 сайлаушының 270-тейі ғана дауыс беруге келді. Яғни 10%. Ал, сіз сайлауға бардыңыз ба?
Парақшамызға жазылыңыз
