Порталдың мақсаты – аға буын журналистерді қолдауға, болашақ журналистердің қаламын ұштап, қанатын қатайтуға үлес қосу. Сондай-ақ, журналистика саласындағы аға буын мен болашақ журналистердің сабақтастығына сеп болу. Бұдан бөлек, бұқаралық ақпарат құралдарына қатысты соңғы жаңалықтарды қалт жібермей жариялап отырады.
«Аға буын ақылы» айдарында кәсіби журналистермен сұхбат ұйымдастырылады. Олар болашақ журналистерді саланың қыр-сырына қанықтыратын тәжірибилерімен бөліседі. Сонымен қатар, қазақ журналистикасындағы өзекті проблемалар талқыланып, қорытынды жасалады.
«Жас толқын жазбасы» айдарында еліміздің барлық өңірінде журналистика мамандығы бойынша білім алып жатқан студенттердің мақалалары мен сұхбаттары іріктеліп, жарияланады. Жыл соңында «үздік мақала», «үздік сұхбат» номинациялары бойынша марапатталады.
«Калькасыз қазақ тілі» айдарында журналистердің қазіргі сөз қолданысындағы қателердің дұрыс нұсқасы көрсетіледі. Белгілі журналист Назгүл Қожабектің нақты мысалдары жарияланады.
«Әріптес алаңы» айдарында журналистердің журналистикаға қатысты әлеуметтік желіде жазған ойлары мен пікірлері жарияланады.
Парақшамызға жазылыңыз
