Аз қамтылған отбасылардың балалары үшін “Жалпы білім беру” қоры және “Мектепке жол” акциялары бар. Өкінішке қарай, ата-аналардың көбі осы екі акцияны шатастырады. Екеуін бір көмек деп ойлайтындары да бар. Бірақ бұл екеуінің айырмашылығы жер мен көктей. Біз бұған дейінгі эфирімізде “Жалпы білім беру” қоры туралы егжей-тегжейлі баяндаған едік.
Ал бұл жолы “Мектепке жол” акциясының ерекшелігіне тоқталдық. Эфирге қатысқан “Менің Атамекенім” қоғамдық бірлестігінің атқарушы директоры, “Мектепке жол” жобасының операторы Шыңғысбаева Лаззат Алтынбекқызы “Жалпы білім беру” қорына қаржы бюджеттен бөлінсе, “Мектепке жол акциясы” кәсіпкерлердің демеушілігімен жүзеге асырылатынын айтады. Көмекті жүйелі түрде ұйымдастыру мақсатында www.atamekenim.kz сайты жасалған. Алайда, сайт әлі жетілдірілмегендіктен, әлі күнге дейін онда тіркелу оңай емес. Толығырақ төмендегі видеоға назар аударыңыз:
Жоба MediaCAMP Internews Орта-Азиялық бағдарламасы аясында АҚШ Халықаралық даму жөніндегі агенттік (USAID) қолдауымен жүзеге асырылады.
Парақшамызға жазылыңыз
