Жетісулықтар ауыл әкімдерін сайлауда жоғары белсенділік пен азаматтық жауапкершілікті танытты.Таңертеңнен кешкі сағат 20.00-ге дейін адамдар өз кандидатына дауыс беру үшін сайлау учаскелеріне барды. Сайлау науқаны аймақтың 71 округінде өтті.
Алматы облыстық сайлау комиссиясының мүшесі Қаһарман Жақсылық айтқандай, барлық жетісулықтар үшін тарихи күнде өрескел заң бұзушылық болмады.
– Орын үшін орташа бәсекелестік 3,3 адамды құрады. Округ әкімдерінің сайлауына кандидаттардың сенімді өкілдері, түрлі деңгейдегі байқаушылар, сондай-ақ БАҚ өкілдері қатысты. Алматы облысының тұрғындары да осы сайлауда белсенділік танытты сайлаушылар тізіміне 221952 азамат енгізілді, оның ішінде 149888 адам дауыс беруге қатысты”, – деп бөлісті Қаһарман Жақсылық.
Сондай-ақ, Қаһарман Жақсылық жаңадан сайланған әкімдер туралы хабарлады.
25 жасар Біржан Махатов Алматы облысындағы ең жас ауылдық округ әкімі болды. Сайлау қорытындысы бойынша ол Қарасай ауданы Елтай ауылдық округінің әкімі болды.
– Округтің жас әкіміне ақсақалдар да үлкен үміт артады. Елтай ауылдық округінің белсендісі әділ Келтаевтың айтуынша, мақсатқа ұмтылған Біржанның амбициясы ауылдық округті жаңа деңгейге көтереді.
– “Біз ескі мәселелер жаңа заманауи шешімдерін табады деп сенеміз. Жас ұрпақтың іске деген көзқарасы ерекше. Біздің ауылдық округті жас және еңбекқор әкім басқаратыны мені қуантады. Оған қызметіне табыс тілеймін. Біз оның барлық бастамаларын туған ауылымыздың игілігі үшін қолдауға дайынбыз”, – деді Әділ Келтаев.
– Алакөл ауданы Жағатал ауылдық округінен Қайрат Тұрлыбеков халық сеніміне ие болды. Ол 100% дауыс жинады”. Ол Жағатал округінің тумасы, бірақ 2017 жылдан бастап Ақтүбек ауылдық округінде әкім болып жұмыс істеп, үлкен жұмыс атқарды. Еңбек жолын тракторист болып бастаған.
– Біз дұрыс таңдау жасадық. Қайрат Тұрлыбековты жақсы білеміз. Ақтүбек ауылы үшін көп жұмыс жасады. Ол көшелерді асфальттады, шығармашылық клубтар салды, заманауи жаяу жүргіншілер өткелдері бар бағдаршамдар орнатты. Ол тек іс пен сөздің адамы ғана емес, бас әріппен жазылған адам екенін айтқым келеді, – деді Жағатал ауылдық округінің тұрғыны Серға Сатыбалдинова.
Сарқан ауданының Аманбөктер ауылдық округіндегі тұрғындар әкім қызметіне – әйел азаматша лайық деп, оның ер адамнан кем түспейтініне сенімді.
Шырынгүл Нұрқанова 20 жылын мемлекеттік қызметте жұмыс істеуге арнады. Бүгінгі таңда әйел адамдардың мүдделері мен ұмтылыстарына сәйкес келетін ұстанымын растауға тырысады және бүгінде нақты іс-қимыл бағдарламасын ұсынған.
“Мен ауыл әкімдігінде 20 жылға жуық жұмыс істеймін, ауылдың әлеуметтік-экономикалық жағдайын жақсарта аламын деп ойлаймын. Туған ауылыма пайда әкелгім келеді, ғаламтордың жоқтығына байланысты мәселені шешу, жолдардың жағдайын жақсарту және туризм саласын дамыту жоспарда бар”, – деп қосты Шырынгүл Нұрқанова.
Сондай-ақ Ойтоған ауылында Венера Берікова әкім әйелдердің қатарын толықтырды 1984 жылы 6 қыркүйекте Ақсу ауданы Ойтоған ауылында дүниеге келген. 2001 жылы І.Жансүгіров атындағы орта мектепті, 2006 жылы Қазақ ұлттық аграрлық университетін “ветеринария” мамандығы бойынша және 2009 жылы Ө. Жолдасбеков атындағы Құқық және экономика академиясын “қаржыгер”мамандығы бойынша бітірген. Еңбек жолын 2006 жылы Ақсу аудандық мәслихаты аппаратының хатшысы болып бастаған. 2008 жылдың сәуір айынан бастап Ақсу аудандық мәслихатының аппаратында бас маман болып қызмет атқарады.
Ауыл әкімдерін тікелей сайлау олардың ауылдағы сумен жабдықтау, жолдарды күтіп-ұстау, абаттандыру және т.б. сияқты өмірлік маңызы бар бірқатар мәселелер бойынша шешімдер қабылдаудағы әкімдер қызметінің тиімділігін арттыруға ықпал етеді, бұл ретте сайланған әкімдер сайлаушыларының алдындағы жауапкершілік жеке уәждеменің басты факторына және олардың қызметінің тиімділігін арттыруды күтуге айналады. Сонымен қатар, Бесағаш ауылында жаңа әкім болған Ернар Жүнісовке де үлкен үміт артылды.
– Жаңа әкім біздің әл-ауқатымызды жақсартады деп сенеміз. “Жақсы әкім бол, халқыңа жақын бол”дегендей. Сондықтан ауыл әкімдерін сайлау жөніндегі бастама халық пен билікті шынымен жақындастырады деп есептеймін, – деді Бесағаш ауылының тұрғыны, Талғар ауданының Құрметті азаматы Шабден Ноғайбаев.
– Айта кетейік, облыста барлығы 235 үміткер тіркелген. Сайлаушылар Еңбекшіқазақ ауданының-10, Ақсу ауданының-9, Алакөл ауданының-8, Балқаш, Ұйғыр аудандарының -6, Кеген ауданының -5, Кербұлақ, Көксу, Панфилов, Талғар аудандарының -4, Сарқан ауданының -3, Жамбыл, Қаратал аудандарының -2, Ескелді, Іле, Қарасай аудандарының және Текелі қаласының -1 округтерінің әкімдеріне дауыс берді. Айта кету керек, Қазақстанда ауыл әкімдерінің тікелей сайлауы алғаш рет өтуде. Идея Президент Қасым-Жомарт Тоқаевқа тиесілі. Мемлекет басшысы бұл бастама жергілікті өзін-өзі басқару институттарын енгізу арқылы мемлекеттік басқаруды орталықсыздандыруға бағытталған негізгі саяси реформалар пакетін іске асыруды көздейтінін атап өтті.
