Сенатор Нариман Төреғалиев депутаттық сауалында өндірістегі жарақаттанудың жоғары деңгейіне алаңдаушылық білдірді. Ол туралы @senate_kz инстаграм парақшасында хабарланды.
Сенатордың айтуынша, зиянды және қауіпті еңбек жағдайлары бар жұмыс орындарының санын азайту – бүгінгі таңда еліміз үшін өте өзекті болып отыр.
“Ресми статистика бойынша жыл сайын елімізде 1500-ге жуық адам өндірісте жарақат алады, 200-ден астам жұмысшы қаза табады”,-деді сенатор.
Мәселені шешу үшін сенатор:
▫️Кәсіпкерлік кодексте көзделген еңбек инспекторларының қызметін шектеу туралы нормаларды Халықаралық еңбек ұйымының конвенцияларына сәйкес келтіруді;
▫️Мемлекеттік еңбек инспекторларының санын арттыруды;
▫️Өндірістегі жазатайым оқиғалар фактісі туралы уақтылы хабарламағаны үшін жұмыс берушінің әкімшілік жауапкершілігін күшейтуді ұсынды.
