Қазақстандық үш шорт-трекші Бейжің олимпиадасының ширек финалына өтті, деп мәлімдейді ҚР Ұлттық олимпиадалық комитеті
Шорт-тректен Қазақтанның ерлер командасы 500 метрге жарысудан Олимпиаданың іріктеу айналымына қатысқан. Бұл бәсекеде Қазақстан намысын Денис Никиша, Әділ Ғалиахметов және Абзал Әжіғалиев қорғаған болатын. Іріктеу қорытындысы бойынша үш спортшы да ширек финалға жолдама алған.
Ғалиахметов өз тобында екінші орынға табан тіресе, Никиша мен Әжіғалиев бірінші орыннан көрінген. Осылайша, қазақстандық спортшылар автоматты түрде келесі кезеңге өтіпті.
Комитеттің хабарлауынша ширек финал, жартылай финал және финалдық кезеңдер 13 ақпанға жоспарланған.
Әлемнің мұз айдындарында ел намысын қорғап жүрген шорт-трекшілерімізге алдағы шешуші күндері сәттілік тілейміз және барлық қазақстандықтарды жанкүйер болуға шақырамыз!
Парақшамызға жазылыңыз
