Украина президенті Владимир Зеленский халыққа видео үндеу жасады. Ол үндеуде 16 ақпанды – Украина бірлігі күні ретінде жариялады. Бұл күні барлық елді мекендегі үйлер мен құрылыстарда Украинаның мемлекеттік туы көтерілуі қажет деді. Бұл туралы УНИАН сайты жазды.
“Бізді үлкен соғыс болады деп қорқытып, тіпті әскерилердің басып алу күнін белгіледі. Бұл бірінші рет емес. Бірақ біздің мемлекет бүгін бұрынғыдан да күшті… 16 ақпанда бізге шабуыл жасалатынын айтты. Ол күн бірліктің күні болмақ. Жарлыққа қол қойылды. Дәл сол күні біз мемлекеттік туды іліп, көк және сары ленталар тағып, бүкіл әлемге бірлігімізді паш етеміз”, – деді Украина президенті Зеленский.
Парақшамызға жазылыңыз
