Көктемгі қар суының күрт еруіне байланысты Батыс Қазақстан облысының Қаратөбе және Шыңғырлау аудандарында төтенше жағдай жарияланды, деп хабарлайды Батыс Қазақстан облысы әкімінің баспасөз қызметі
Осыдан бұрйын Батыс Қазақстан облысының төтенше жағдайлар басқармасының баспасөз қызметі хабарлағандай облыс және басқарма басшылығы жағдайды бағалау мақсатында су тасқыны қауіпті аумақтарға вертолетпен шыққан.
Облыс әкімі Ғали Есқалиев оқиғаның себеп-салдарын анықтау, жағдайды бақылау және тұрғындарға алғашқы көмек ұйымдастыру мақсатында Қаратөбе ауданының Шалғын ауылында болған.
Су кірген 25 тұрғын үйдің иелері мәдениет үйіне көшірілсе, өзге де ауыл тұрғындарының қауіпсіздігі күшейтілген. Қазіргі таңда Шалғын ауылы қатаң бақылауға алынған.
Тұрғындармен кездесіп, жағдай толық бақылауға алынғаннан кейін облыс басшысы Ғ.Есқалиев Шыңғырлау ауданына ұшып кеткен.
Қаратөбе ауданынан Шыңғырлау ауданына келген өңір басшысы су тасқыны қауіп төндірген орындарды аралап, жағдайды қатаң бақылауға алған.
Кезекшілік тәулік бойы жүргізілуде.
Облыстың төтенше жағдайлар басқармасының баспасөз қызметі хабарлағандай бүгін түстен кейін брифинг жоспарланған.
Парақшамызға жазылыңыз
