Құтырған қасқырдың ауылға шауып, төрт бірдей адамды тістегені Астана арнасында жарияланды.
Оқиға Батыс Қазақстан облысы, Шоқтыбай ауылында болған. Құтырған қасқыр ауылдың төрт тұрғынын жаралаған. Алдымен шабуылын ауылдың иттері мен малынан бастаған жыртқыш, тұрғындарға ауысқан.
Итқұстың көзін жойған ауылдың азаматтары, бірден сараптамаға жіберген.
Қасқырдан зардап шеккен ауыл тұрғындары құтырмаға қарсы екпе алуда. Қазір зардап шеккендермен байланыста болған тағы сегіз адам дәрігерлерге қаралып жатыр. Ауылдағы барлық мал екпе алды. Ветеринарлар ауылды дезинфекцияламақ.
Парақшамызға жазылыңыз“Аса қауіпті ауру ошағының тіркелуіне байланысты ҚР АШМ Ветеринарлық бақылау және қадағалау комитетіне ауылдық округте тіркелген 3204 бас малды вакцинациялау үшін құтырмаға қарсы вакциналар беру жөнінде сұрау жіберілді, сондай-ақ дезинфекцияға арналған препарат сұралды”, – деп мәлімдеді БҚО ветеринария басқармасының басшысы Балдай Сапарғали.
