23 ақпанда Кентау қаласының әкімі аса ірі көлемде пара алды деген күдікке ілінген болатын. Ал облыс әкімі Өмірзақ Шөкеев Кентау қаласы әкімінің қылмысы дәлелденсе отставкаға кететінін орталық коммуникациялар қызметінде өткен брифингіде айтқан болатын.
Түркістан облысының әкімі Өмірзақ Шөкеев қызметінен кетуге өтініш бергені жайлы Zakon.kz хабарлады.
Өтініш 24 тамызда жазылған. Кентау қаласының экс-әкіміне қатысты сот үкімі заңды күшіне енді.
Кентау қаласының бұрынғы әкімі Дәурен Махажанов аса ірі көлемде пара алғаны үшін кінәлі деп танылды. Ол 10 жылға бас бостандығынан айырылды.
