Дүниежүзі қазақтары қауымдастығында

Жуықта Дүниежүзі қазақтары қауымдастығының “Ата жұрт” баспасынан жарық көрген жеті кітаптың тұсау кесері болды. Дүниежүзі қазақтары қауымдастығының Төралқа Төрағасының бірінші орынбасары Талғат Асыл ұлы Мамашев мырза 2010 жылы оқырман қолына тиген жаңа кітаптардың әр қайсысының ерекшеліктері туралы таныстырып, осы ұласпалы үрдістің ары қарай жалғаса беретіндігін атап өтті. Бұл рухани қазынамызды байытуға қосылған қомақты үлес. Төменде сол кітаптар туралы мәлімет беріп отырмыз. мінбер-админ

Оспан батыр Исламұлының туғанына 100 жыл.

Оспан батырдың туғанына 100 толуына орай

Алматыда өткен халықаралық ғ

ылыми-теориялық конференция материалдары.

Кітап ҚР Мәдениет және ақпарат министрі

М.Құл-Мұхаммедтің құттықтау сөзімен ашылған.

Конференцияда сөз алған жиырма екі ғалым және

басқа адамдардың мақалары мен алты ақынның өлеңі енген.

Құрастырған Ботагөз Уатқан.

Нұрила Қызыханқызы. «Аңшылық хикаялары».

Қазақтың байырғы кәсібі аңшылық пен саятшылық

өнеріне қатысты этнографиялық әңгімелер жинағы.

Байыт Қабанұлы. «Бұрымбибі». Моңғолияда тұратын ақынның өлеңдер жинағы. «Өлсем де келетіндей сағындырам,

Өлместің, өшпестіктің тағын құрам.

Тұрлаусыз төрткіл мынау дүниені,

Төрт ауыз өлеңіме бағындырам».

«Бай-Бесік тұмалар». Баян-Өлгий аймағының 70 жылдығына орай шығарылған,жергілікті ақындардың өлеңдер жинағы. Алғы сөзін жазған Дүниежүзі қазақтыры қауымдастығының Төралқа Төрағасының бірінші орын басары Талғат Асылұлы Мамашев. Құрастырғандар:А.Елгезек, Б.Бәмішұлы;

Мұрат Шаймаран. «Еркін аспан өлеңі».Қытайда жаңашыл ақынретінде танылған, бүгінгі таңда қазақ поэзиясына өзінің сүбелі үлесін қосып жүрген

ақынның соңғы кезде жазған өлеңдер жинағы;

Қайролла Баянбайұлы. «Селкеусіз сезімдер». Қытайдағы қазақ әдебиетінің

белгілі өкілінің махабатты жырлаған тұңғыш романы.

Дәлелбек Батыр. «Тілеп алған қасырет».

Ресейдің Алтай Республикасында дүниеге келген жазушының

бұл кітабына

Ресей жеріндегі қазақтардың тағдыры суреттеледі.