Қазақстанда жыл сайын орта есеппен алғанда өмірге келетін 20 мыңнан аса нәресте мерзімінен бұрын туады. Дәрігерлердің айтуынша, жүктілік кезінде 36 аптадан аз, ал дене салмағы 2500 граммға жетпей туылған шақалақ шала болып өмірге келді дегенді білдіреді.
Әлемде жыл сайын 15 миллион бала шала туған болса, оның 20 мыңға жуық үлесі Қазақстанға тиесілі. Орта Азия елдері арасындағы шала туған балалардың өлімі бойынша Қазақстан соңғы қатарда. Дене салмағы өте төмен балалардың өмір сүру деңгейі 12 пайызға өсіп, шала туған нәрестелердің өлімі 2 пайызға төмендеген.
Дәрігерлердің айтуынша, шала туған нәрестелерде жүктілік кезінде анатомиялық тұрғыдан дұрыс қалыптаспаған ағзалар өмір сүру үшін қауқарсыз. Өте жұқа және нәзік тері және тері астындағы майдың төмен деңгейі, жетілмеген өкпе ағзаны оттегімен қамтамасыз ете алмайды, жүрек-қан тамырлары мен ас қорыту жүйелері жетілмеген, сонымен қатар гипоксияға орталық нерв жүйесі өте сезімтал болады.
17 қараша халықаралық шала туған балалар күніне орай «University Medical Center» корпоративті қорының филиалы елордадағы Ана мен бала ұлттық ғылыми орталығында мерекелік шара ұйымдастырды.
