Шымкентте 3 ақпан күні кешке анықталған газдың шығыны (утечка) тоқтатылды, деп хабарлайды “ҚазТрансГаз Аймақ” АҚ ресми сайты. Отынсыз қалған барлық үйлер мен кәсіпорындар толық қосылды.
“Ақауды жоюға бағытталған жедел авариялық-қалпына келтіру жұмыстары түні бойы жүргізілді. Тұтынушыларды қосу жұмыстары 4 ақпан күні таңертең толық көлемде аяқталды”,-деді баспасөз қызметі.
Айта кетейік, 3 ақпан күні кешке Мәртөбе кентінде газ құбырында апат болып табиғи газдың шығынынан (утечка) 1500 үй мен жеті кәсіпорын отынсыз қалған болатын.
Апатты жою үшін 30 адам мен арнайы техника жұмылдырылып, қалпына келтіру жұмыстары түні бойы жүргізілген.
“ҚазТрансГаз Аймақ” АҚ сөзінше құбырдағы апатқа себеп — жақында 23 қаңтарға қараған түні болған жер сілкінісі. Осыған ұқсас ақау Қайнар ауылының маңындағы жерасты газ құбырында тіркелді.
Парақшамызға жазылыңыз
