Каспий теңізіне мұнайдың төгілуі 30 наурызда Қашаған кен орны ауданында ғарыштық мониторингтің көмегімен анықталды. Бұл туралы “Глобус” экологиялық-құқықтық бастамасы орталығының атқарушы директоры Галина Чернова өзінің Facebook парақшасында Каспий теңізінің спутниктен түсірілген суреттерін көрсетіп, мұнай төгілгенін хабарлаған. Қазақстан Республикасы Экология және табиғи ресурстар министрлігінің Экология комитеті сынама алуды ұйымдастырып жатқанын айтты.
“Ғарыштық мониторинг жүргізетін топтың мәліметінше, 30 наурызда Еуропалық Sentinel-1A спутнигінің радиолокациялық бейнесінде қазақстандық кен орны мен Қашаған мұнай өндіру орнының төгілуі көрсетілген”, — деп жазды Чернова Facebook-те.
Экологтың айтуынша, мұнайдың төгілу себебі:
1) Өндіру кезінде мұнайдың кездейсоқ немесе апаттық ағуы;
2) құрамында мұнай өнімдері бар өндірістік суларды ағызу, оларды сақтап, кейін қайта өңдеуге құрлыққа шығару керек;
3) кемелерде апат болуы мүмкін.
Төгілу алаңы шамамен жеті шаршы шақырым, дақ Каспий теңізінің солтүстігіне қарай жылжыды.
Қазақстан Республикасы Экология және табиғи ресурстар министрлігінің Экологиялық реттеу және бақылау комитеті бұл мәлімдемеге жауап беріп, Атырау облысы бойынша экология департаменті мұнай өндіру орнында көзбен шолып тексеру және сынама алу үшін теңізге шығуды ұйымдастыратынын хабарлады.
Комитет баспасөз қызметінің хабарламасы:
Парақшамызға жазылыңыз“Аталған фактілер расталған жағдайда Атырау облысы бойынша экология департаменті NCOC компаниясына жоспардан тыс тексеру жүргізеді. Нәтижелер туралы қосымша хабарланатын болады“.
