Қаңтар айында ProTenge-де «Азаттық» радиосы журналистерінің аккредитациядан өтпегені туралы пост жарияланған болатын. ProTenge мұндай прецеденттерді жария етудің қаншалықты маңызды екеніне назар аударып, «Азаттық» қызметкерлері қазақстандық ең үздік зерттеу командаларының бірі екенін атап өтті.
Жүздеген лайк пен репостың арқасында ақпарат бүкіл қазнетке тарады. Дегенмен, бұл жаңалықты ұнатпайтындар да табылды.
Наурыз айында тиісті салаға жауапты Мәдениет және ақпарат министрлігі «Пост қоғамдық тәртіпті бұзу қаупін тудырады, немесе азаматтардың немесе ұйымдардың құқықтары мен заңды мүдделеріне айтарлықтай зиян келтіреді…» деп мәлімдеді.
Осымен барлығы аяқталған сияқты еді.
Алайда, өкінішке қарай, бұл жазба СОТҚА ДЕЙІНГІ ТЕРГЕУді бастауға негіз болып отыр. Әрине, полицейлердің жазбада ҚЫЛМЫСТЫҚ ҚҰҚЫҚ БҰЗУШЫЛЫҚ ЖОҚ деген қорытындыға келуі үшін құқық қорғаушылардың біраз тер төгуіне тура келген. Бірақ оқиға мұнымен де бітпеді, іс әкімшілік сотқа өтіп кеткен. Бұл жолғы нысан жаңалықты өзінің «Обожаю» telegram-арнасында жариялаған журналист Асхат Ниязов болып отыр. Журналистің үстінен әкімшілік іс қозғау жөнінде хаттама толтырылған.
«Құқық қорғау органдары алғашқы дереккөзге, яғни бізге, ProTenge-ге жүгініп, сұрақ қоюдың орнына жазбаға репост жасаған журналисті таңдады…», – деп жазды ProTenge редакциясы.
ProTenge негізін қалаушы Жәмила Маричева Аида Балаева басқаратын министрліктің әрекетін даулауға ниетті екенін мәлімдеді.
Парақшамызға жазылыңыз
