Мұз айдын 2 қарашада ашылады. Сағат 12:00 – 15:30 аралығында қазақстандық эстрада жұлдыздарының қатысуымен ашылу салтанаты өтеді. Ал 17:00 -20:00 аралығында диджейдің музыкалық сүйемелдеуімен байқаулар мен жүлделер бар кешкі сеанс өтеді. 1 қарашада мұз айдыны техникалық режимде жұмыс істейді.
Алматы әкімдігінің хабарлауынша, жаңа маусымда келушілерді мерекелік шаралар мен спорттық жарыстар күтеді. Қонақтарға ыңғайлы болу үшін конькиді жалға беру және фастфуд ұсынылады.
Спорт нысандары дирекциясы кезектерді болдырмау үшін мұз айдынының ресми сайты арқылы билеттерді алдын ала сатып алуды ұсынады.
Ашылған күні №12 автобус бағыты күшейтіледі. Автобус кестесі: жұмыс күндері – 8:00-ден 00:00-ге дейін, демалыс күндері – 8:00-ден 01:00-ге дейін.
Парақшамызға жазылыңыз
