Фото: www.gov.kz
Қаңтардың 13-і мен 23-і аралығында Италияның Турин қаласында ХХХІІ Дүниежүзілік қысқы универсиада өтеді. Жуырда студент спортшылардың әлемдік додасында ел намысын қорғайтын атлеттеріміздің есімдері белгілі болды.
Ел құрамасы сапында биатлон, шорт-трек, шаңғы жарысы, мәнерлеп сырғанау, спорттық бағдарлау, фристайл, тау шаңғы спорты, ерлер мен әйелдер хоккейі және алғаш рет жарыс бағдарламасына енгізілген пара шаңғы сияқты спорт түрлерінде бақ сынайтын 103 спортшы бар.
Италияда ел намысн кімдер қорғайды?
Биатлон
- Ерлер: Вадим Куралес, Владислав Киреев, Кирилл Бауэр, Ержанат Қуандық, Никита Акимов.
- Әйелдер: Арина Крюкова, Айша Рақышева, Милана Генева, Полина Егорова, Алина Скрипкина.
Шорт-трек
- Ерлер: Санжар Жанисов, Әлішер Абулкатимов, Дамир Құрманов, Әйбек Темірхан, Дінмұхамедалдияр Тәжібай, Валерий Клименко.
- Әйелдер: Алина Әжғалиева, Яна Хан, Зейнеп Құмархан, Полина Омельчук, Анастасия Галечина, Малика Ермек.
Шаңғы жарысы
- Ерлер: Святослав Матасов, Ернур Бексултан, Әмірғали Мұратбеков, Ілияс Исабек, Нартай Тұрлыбекұлы, Сұлтан Базарбеков.
- Әйелдер: Анастасия Ротова, Лаура Киныбаева, Мария Геращенко, Елизавета Толмачева, Асем Жумагазиева, Алеся Бочкарева.
Мәнерлеп сырғанау
- Михаил Шайдоров, Диас Джиренбаев, Никита Кривошеев, Софья Самоделкина.
Спорттық бағдарлау
- Ерлер: Давид Сиволапов, Иван Биткин, Александр Фирсов, Никита Иост, Илья Таганашкин.
- Әйелдер: Ангелина Кузьмина, Евгения Завьялова, Карина Боранбаева, Анжелика Гарифова, Валерия Чупина.
Фристайл
- Анастасия Городко, Аяулым Амренова, Антон Бондарев, Федор Бугаков, Максим Емельянов, Семен Русаков.
Тау шаңғысы
- Александра Скороходова, Ксения Бережная.
Хоккей
- Ерлер командасы: 24 спортшы, оның ішінде Иван Гавриленко, Джелал-Ад-Дина Амирбеков, Абылайхан Сулейменов.
- Әйелдер командасы: 22 спортшы, оның ішінде Альмира Ибрагимова, Карина Амирова, Регина Салтысова.
Пара шаңғы жарысы
- Денис Зинов, Роман Курбанов.
Еске сала кетейік, 2025 жылғы қысқы универсиадаға 57 елден шамамен 2000 студент-спортшы қатысады. Жарыс бағдарламасында 11 спорт түрі бойынша 96 медаль жиынтығы сарапқа салынады. FISU ережелеріне сәйкес, қатысушылар 17-25 жас аралығында болуы керек. Сондай-ақ жоғары оқу орнында оқып жүрген немесе универсиада басталғанға дейінгі бір жыл ішінде оқу орнын бітірген болуы тиіс.
Күні кеше XXXII Дүниежүзілік қысқы универсиаданың ашылу салтанатында мемлекеттік туды алып шығу мәртебесіне ие болған спортшылардың есімі жарияланды. Ту ұстау құрметі фристайлшы Аяулым Әмренова мен хоккейші Абылайхан Сүлейменовке бұйырды.
Аяулым Әмренова – фристайлдан ұлттық құраманың үздік спортшыларының бірі. Оның қоржынында 2017 жылғы Еуропа кубогы кезеңдерінің алтын, күміс және қола медальдары бар. Сондай-ақ ол Қазақстан атынан 2018 жылы Пхёнчханда және 2022 жылы Бейжіңде өткен екі Олимпиада ойындарына қатысқан.
Абылайхан Сүлейменов – жас болса да хоккей жұлдызы саналады, «Номад» командасының үздік ойыншысы. Оның спорттық мансабында жастар лигасы, төрт ұлттың турнирі, Қазақстан кубогы, Континенталь кубогы, сондай-ақ, АҚШ-та өткен ХХХІ Дүниежүзілік қысқы универсиадасының қола жүлдесі бар.
Түгелбай Бисен,
БҚО, Орал қаласы
Парақшамызға жазылыңыз
